أرض زراعية مجانا لمن يفلحها..

مرحبا Guest
اخر زيارك لك: 06-20-2024, 05:28 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الاول للعام 2014م
نسخة قابلة للطباعة من الموضوع   ارسل الموضوع لصديق   اقرا المشاركات فى صورة مستقيمة « | »
اقرا احدث مداخلة فى هذا الموضوع »
03-06-2014, 04:33 AM

عزام حسن فرح
<aعزام حسن فرح
تاريخ التسجيل: 03-19-2008
مجموع المشاركات: 8891

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: أرض زراعية مجانا لمن يفلحها.. (Re: سيف اليزل برعي البدوي)


    المُشكلة ما الحكومة براها.. في مشاكِل تانِية.. خاربا الزِراعة.. شوف تجربتي البتوضِح "الحاجات التانية":
    بدأت في الزِراعة في نواحي مسيد ود عيسى "قرية بركات" وكانت زراعات جيدة جِدًا بِالنسبة لمبتدئ غير مُتخصِص، بعد فِترة إكْتشفت ضرورة إدخال دَورة الحَيوان في الموضوع، مشيت لفيت أسواق البهائِم -لا مؤاخذة يعني- مشيت الدمازين/ربك/سنجة/سنار وأخيرًا دقشت البُطانة، لقيت الوضع مُخْتلِف جِدًا بِشأن المساحات.. الحياة.. البشر. قررت أن أسْتثمِر في البُطانة، قُمت لفيت -تاني يعني- أفتِش أرض تقع على ضِفاف نهر الدندِر وتكون مويتا بِتْلاقي.. لقيت أرض فضاء في عماء ماف جنبها صريخ ابن يومين ولا ابن عشرين، مِن قلت يا هااادي، ظهر لي 7 غِلاظِ لمن يشمهلم حَـمْـد يوسِف علَيهِ السلام <... وَجَاءَ بِكُم مِّنَ الْبَدْوِ...> فظلوا بِها، ما علينا، إشتريت أرض ووضعت يدي على أُخرى أكبر منها، أها عاوِز بعد ده أزرع، جهزت الأرض، بوابير لسْتر إنكليزِية كرت وهندِية ذات ترجيع مُحبَب وحنين وقوام رشيق وغريق وعطاءٍ مبذول غير مغلول -نحنا بنتكلم في بابور لِستر واخِد بال حضرتك!-. عاوِز العلم بعد داك، لأن القُروش لو زرعت بها بِدون علم، بتبقى -لا أبا لك- روليت روسي عدييييل كَدي، مشيت مظان العلم، مشيت للمُتعلمين بِتوع المدارِس، المُتخرجين حديثًا وقديمًا مِن الجامعات تخصُص زِراعة/بَيْطرة، وكانت لي معهم جلسات تُدار أغلبها تحت ظِلال النيمه وهُم يتقامرون بِبسكويت جلكوز على رقعة السلم والثعبان، القيم (الدور) بِبسكوتايه واحدة، يرمي اللاعِب الزهر على الرقعة، فتسمع هرجٌ ومرج، فقد إسْتقر الزهر على رقم يُعلي صاحبه بِسُلُمْ ويبعده عن ثُعبان مُقيت
    - أسمع عاوزك شوية

    - في شنو؟ الدور دوري .. دقيقة

    - عاوز أتكلم معاك في موضوع.. شغُل

    - (وهو ينفخ في الزهر وقد حبسه بين كفيه) طَيِب ما تتكلم.. إنت في وأنا في تاني شنو؟

    - لا ما الفكرة.. بس عاوِز جو هادئ شوية

    - طيب طيب بعدين

    - يعني بعد ما تنتهي مِن قيمك ده؟

    - ده ما قيمي ياخ.. أنا قاعد ألعب لجمال.. قيمي الجاي

    - طيب أجيك بعد المغرب تكون فضيت (هسع 10 صباحًا)

    - مغرب شنو.. إنت ما جاي معانا قيدومة علي.. الزول ده ياخ مننا ليهو قريب 10 سنوات.. أبو الغربة ياخ.. لا لا مرقت بره ما محسبوبه، الدور دوري.. والله ما أخلي حقي

    المهم بعد كمين يوم وبعد جُهد جهيد وتَلْتله لميت في الزول ده
    - شوف يا أحمد يا خوي، أنا إشتريت أرض زراعية على ضِفاف نهر الدندر، وفحصت تربتا في أبحاث مدني (الجدير بِالذكر أن أبحاث التربة هو معمل هزيل كسيح فقير باهِت، هو المعمل الوحيد في جمهورِية السودان كُلها الذي يقوم بفحص التربة) والتقرير أفاد بِصلاحِية زراعة الأرض بِالخضروات وغَيرها، وعملت مصدات للهواء (أشجار) وأقمت قواعِد البوابير وحفرت أب عشرين وأب ستة

    - 20 شنو و6 شنو؟!

    - أه ؟! (ده صوت هاء السكت)

    - بسألك زي سمعتك بتقول 20 و6

    - ديل مُسميات لقنوات السقي.. ما عليك دي أسماء عرب وهم ساي.. المهم يا سيدي أنا سجلت الأرض كمشروع زراعي والمشروع بِقى عندو ورق مروس وختم كمان، عاوزك تساعدني في زراعة المشروع

    - قُلت لي المشروع واقِع وين؟

    - على نهر الدنر شرق سنار

    - (بنرفزة شديدة) يعني من الخرطوم كم ساعة؟!

    - زي 8 - 9 ساعات كِده بس

    - أُمْـك.. وأفوت حياتي الهِنا في الخرطوم؟!

    - (إنت عندك حياة يا ابن الكَلَب يا مُعفِن) فترة بسيطة وترجع لِلخرطوم

    - فترة بسيطة شنو ياخ.. غايتو الجهل مُصيبة.. الزراعة دي يا خينا عاوزا إسْتقرار
    - طَيِب ما تسْتقِر (يا رِمه بدل الرمتله الإنت فوقا دي) وأنا حأديك راتِب شهري وحأفطرك وأغديك وأعشيك حمام وجِداد وبيض وسمان وبط ووزين وقمري وتيوس وحِمْلان و3 أنواع مِن الألبان، وفيها رحلات صيد بري ونهري ومُركب وليالي سمحه.. قمره وعود وفي النهاية المشروع حيديك شهادة خبرة.

    - لكن عِرس أخوي بعد شهر كِده وأنا لازِم أقيف معاهو.. هو مُعْتمِد علي في الموضوع ده.. عُثمان وعبداللطيف ومحمد وزاهي وجعفر والصادِق ما فاضين ليهو

    المُهِم أجريت نفسسسس الحِوار أعلاه مع كذا زِراعي وبَيْطري.. حرّم في واحِد زِراعي قال لي: [ بِصراحة ما بقدر على قِريص الباعوض والنِمِتي(النِمَته) ]

    إضطريت أشتري كُتُب سنة أولى وتانية زِراعة وقعدت أقراها وألخِص.. الحِكاية دي أخدت مني أكتر مِن سنة كبيسة.. وزرعت وفشلت ونجحت وفشلت وزرعت.

    يلعن أبو النِمِتي (النِمِته) ياخ الحال بيني وبين تكلونوجيا الزِراعة وحاجاتا.. علشان كِده في الأول قُلت ليك المُشكلة ما الحكومة براها ولا حتى القُروش (التمويل)، في مُشْكِلة في الزِراعيين (طبعًا ما كلهُم)، المُشكِلة في الزِراعيين/البيطريين السحاسيح البتخرجو مِن الجامعات وعاوزين يِكونو جنب أُمهاتهم وتحت النيون.

    (عدل بواسطة عزام حسن فرح on 03-06-2014, 06:24 AM)
    (عدل بواسطة عزام حسن فرح on 03-06-2014, 06:37 AM)
                  

العنوان الكاتب Date
أرض زراعية مجانا لمن يفلحها.. سيف اليزل برعي البدوي03-05-14, 10:46 PM
  Re: أرض زراعية مجانا لمن يفلحها.. سيف اليزل برعي البدوي03-05-14, 11:09 PM
    Re: أرض زراعية مجانا لمن يفلحها.. cantona_103-05-14, 11:21 PM
      Re: أرض زراعية مجانا لمن يفلحها.. سيف اليزل برعي البدوي03-06-14, 00:43 AM
        Re: أرض زراعية مجانا لمن يفلحها.. سيف اليزل برعي البدوي03-06-14, 01:03 AM
          Re: أرض زراعية مجانا لمن يفلحها.. سيف اليزل برعي البدوي03-06-14, 01:07 AM
            Re: أرض زراعية مجانا لمن يفلحها.. سيف اليزل برعي البدوي03-06-14, 02:20 AM
              Re: أرض زراعية مجانا لمن يفلحها.. عزام حسن فرح03-06-14, 04:33 AM
                Re: أرض زراعية مجانا لمن يفلحها.. محمد جلال عبدالله03-06-14, 05:54 AM
                  Re: أرض زراعية مجانا لمن يفلحها.. محمد هاشم ابوزيد03-06-14, 06:32 AM
                    Re: أرض زراعية مجانا لمن يفلحها.. الصادق عز الدين03-06-14, 08:23 AM
                      Re: أرض زراعية مجانا لمن يفلحها.. عزام حسن فرح03-06-14, 08:57 AM
                        Re: أرض زراعية مجانا لمن يفلحها.. Asim Fageary03-06-14, 09:03 AM
                        Re: أرض زراعية مجانا لمن يفلحها.. الصادق عز الدين03-06-14, 09:17 AM
                          Re: أرض زراعية مجانا لمن يفلحها.. سليمان القرشي03-06-14, 09:44 AM
                            Re: أرض زراعية مجانا لمن يفلحها.. عزام حسن فرح03-06-14, 09:52 AM
                            Re: أرض زراعية مجانا لمن يفلحها.. الفاتح علي التوم03-06-14, 10:04 AM
                              Re: أرض زراعية مجانا لمن يفلحها.. بدرالدين بابكر مصطفى03-06-14, 10:18 AM
                              Re: أرض زراعية مجانا لمن يفلحها.. عزام حسن فرح03-06-14, 10:25 AM
                                Re: أرض زراعية مجانا لمن يفلحها.. سيف اليزل برعي البدوي03-06-14, 01:28 PM
                                  Re: أرض زراعية مجانا لمن يفلحها.. ودقاسم03-06-14, 03:05 PM
                                    Re: أرض زراعية مجانا لمن يفلحها.. ناصر حسين محمد03-06-14, 03:20 PM
                                    Re: أرض زراعية مجانا لمن يفلحها.. سيف اليزل برعي البدوي03-06-14, 03:20 PM
                                      Re: أرض زراعية مجانا لمن يفلحها.. سيف اليزل برعي البدوي03-06-14, 04:18 PM
                                        Re: أرض زراعية مجانا لمن يفلحها.. سيف اليزل برعي البدوي03-06-14, 04:19 PM
                                          Re: أرض زراعية مجانا لمن يفلحها.. سيف اليزل برعي البدوي03-06-14, 08:24 PM
                                            Re: أرض زراعية مجانا لمن يفلحها.. عبدالعزيز الفاضلابى03-06-14, 10:56 PM
                                              Re: أرض زراعية مجانا لمن يفلحها.. سيف اليزل برعي البدوي03-07-14, 03:21 AM
                                              Re: أرض زراعية مجانا لمن يفلحها.. خالد حاكم03-07-14, 03:36 AM
                                                Re: أرض زراعية مجانا لمن يفلحها.. سيف اليزل برعي البدوي03-07-14, 02:18 PM


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
 اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين 		News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de