ده أسوأ من الإغتصاب !

Quote: سلام يا ود ابو سن شكرا على الكلام والتحليل الرصين انا وجه نظرى فى العلاقه الجنسيه عموما وموضوع هذا الفديو بالتحديد ممكن اجملها فى الاتى الناس لازم تعرف انو الجنس غريزه بشريه مثل كل الغرائز الأخرى لا يمكن محاربتها بل يجب تنظيمها اى انسان مر فى حياته بى الاحساس الجنسى sexual urge تختلف نسبه هذا الاحساس بين الرجال والنساء وبين شخص واخر حسب الظروف والملابسات نجى لى مساله التنظيم : فى ناس بى تعتقد بان الزواج هو الحل وفى ناس بتعتقد انو الفصل التام بين النساء والرجال هو الحل ( عدم الاختلاط فى كل مناشط الحياة ) السعوديه طالبان ايران مثلا فى ناس بتعتقد فى انو العقوبات المتشدده هى الحل وفى ناس بتعتقد فى الزى يعنى تغطيه المرأة من راسها فى اخمص قدميها تمنع الرغبه الجنسيه ولكن من وجه نظرى الشخصيه انا بفتكر كل الحلول اعلاه مع احترامى لى اصحابها ماهى الا قناع لا ينفع مع وجود الفرص الجنس هو طاقه ممكن تفريغها او التخلص منها بعده طرق منها على سبيل المثال لا الحصر : 1.على الدوله ان توفر الرياضه وتشجع على المنافسات الرياضيه بجميع انواعها للرجال والنساء انشا الله فى ناس عايزين يلعبوا sumo-wrestling هم احرار والرياضه ايضا تشمل الرقص بجميع انواعه حتى لو فى ناس عايزين يدقو ظار من حقهم ما فيش اى جهه تمنعهم 2. التعليم المذوج فى المرحله الابتدائيه والمرحله المتوسطه مع المراقبه التامه بوجود مشرف اجتماعى التوعيه عن مخاطر الجنس خارج نطاق مؤسسه الزواج من الناحيه الصحيه الاجتماعيه والدينيه نجى لى موضوع الفديو حديث الساعه: اولا الاولاد ديل شفع مراهقين طهورتهم مابرت زى ما بقولوا ثانيا الانسان ابن بيئته يعنى -- ومن غير دفن اللرؤس فى الرمال --- ماهى البيئه التى نشا فيها هؤلا المراهقين الذين يمارسون الجنس بى احتقار مع هذه البنت اقولها وبكل صراحه... بيئه تحتقر المرأة وتعتبرها مخلوق لى اسعاد الرجل فقط ...طبعا ما بالضروره ان يقال لها هذا شفاهه ولكن يقنن لى هذا المفهوم فى صور واشكال عده منها على سبيل المثال وليس الحصر العادات الضاره التى تعرفونها والمراة كان بقت فاس ما بتكسر الراس ..وعيب مافى بت بتعمل كدا ( كانوا لو عملها ولد تصبح مش عيب) ثالثا اى نوع من الهويات والترويح عن النفس يجدها الشباب فى السودان غير الحفلات وسماع الاغانى مثل راجل المرا حلو حلا ...والنهود تهتز دا المجننا وغيرها وغيرها من الوصف الدقيق لى اجسام النساء خلت البنات تفكيرهم كله منصب حول جسدها وليست روحها يا ناس الموضوع كبير ومن زمان... بس كتير خير التكنلوجيا الخلتنا نشاهد وليس نسمع فقط طبعا انا ما شاهدته هذا الفديو ليس لانى ملاك ولكن لى معرفتى لى نفسى ...لانى لو شاهدته يمكن يحصل لى اغماء من الزعل وانا لا انسى صوره وصوت فتاة الكبجاب التى جلدت بى احتقار مثل البهيمه وهى تتلوى من الالم والبقيه تشاهد فى تلذذ !!! كتب الاخ عبد الحفيظ: (( ونحن في العالي قنصنا لينا واحد بستغل غرفة في عيادة بجيب فيها البنات ,,, مرة جاب بت بي عربيتو ,, كسرنا العربية وبوظناها لامن جروها جر تاني يوم , ودخلنا عليهم الولد او الشاب الكبير قام جاري وخلي البت ,,, وكنا اولاد حلة ,,, وهي غطت وشها بالتوب , واصروا لازم يشوفو وشها ,, ومجموعة مننا رفضوا انها تكشف وشها ,, وقلنا نسترها وفعلا ماعرفناها منو يعني حكاية الزول يقوم جاري في الحالات دي عادي ,, بالذات مع بت بتمارس الدعارة وخطفها من الشارع ساي )) يا عبد الحفيظ يا اخوى مالكم ومالهم مادام جنس بالتراضى بين اثنين راشدين وقد سترهم الله... من رحمه ربنا انو هذه الاشياء تعتبر من المعاصى التى بين العبد وربه الا اذا كانت فيها جهر بالمعصيه والرجل ذاتو ما كان تستروه كافيه عليه كسرتوا عربيتوا وانا معاكم فى تكسير العربيه عسى ولعل ينتبه ويعرف انوا فى ناس عارفاه بيعمل فى شنو طبعا كلامى دا للناس البستخدموا عقلهم وليس عاطفتهم ولى عوده اذا سمحت الظروف