|
|
 أغانينا ..و رموزنا الوطنية ..وتاريخنا سنة 2150 م..
|
واحد من أعظم الأمثال الشعبية أو المقولات البحبها جداً ومؤمن تماااماً بمعناها المقولة بتاعت :
" الجفلن خلّهن أقرع الواقفات .."
من زمااان عندي مشكلة مع التاريخ والتوثيق في جميع المجالات فيما يختص بالأمة الإسلامية ..الأمة العربية..ثم تاريخنا السوداني..
بحس بيهو كلللو نجر في نجر وتأليف في تأليف..العايزنو بيقولوهو والما عايزنو بيدسدسوهو..
العايزين يطلعوا بيهو السما فووق بيطلعوهو والعايزين يخسفو بيهو الأرض بيغطسو حجرو..
وتاريخنا يكتبه غيرنا..
زمااان كن عندي مشكلة فهم فيما يتعلق بي الحجاج بن يوسف وهارون الرشيد .. قصص متناقضة عن الشخصيتين ديل..واحد بيقولوا كتال كتلة والتاني مطلعنو بتاع نسوان!!!
ده كل الورونا ليهو عن الشخصيتين ديل!!!
مع إنو الإتنين ديل من حفظة القران لأ وفيهم البيدرسو عديييل يعني فاهمو كويييس ومتدبره ما حفظ بس..وفيهم الكان بيجهز جيوش المسلمين بي العدة والعتاد و و و ..
الحال ينطبق على تاريخنا السوداني البيركز لينا ومن ما قمنا على الثورة المهدية ثم اللواء الأبيض ثم أكتوبر ..
في تاريخنا الإمام المهدي شخصية عظيمة ولو أنو من الإسم مفروض الواحد يقيف شوية ويفكر يعني ده المهدي المنتظر ولا الفهم شنو من المهدي دي؟؟؟
تاريخ تمت كتابته ليقارن تماااماً بأيام الصحابة والخلفاء الراشدين ولو ما خجلوا شوية كانوا قارنو بحبيبنا المصطفى محمد صلّى الله عليه وسلم - إستغفر الله - ..
طيب ده كلللو نفرتض إنو تاريخ منجور ونحن مشككين فيهو وما عارفين الكتبو منو ولا كتبو كيف ولا تحت أي وضع و نفترض إنو كان في ظل ظروف تقل فيها أدوات الميديا والتوثيق و و و..
أها تاريخنا الأسسسة ده وضعو شنو ؟؟
حنكو شنو؟؟
هل عندنا تاريخ ممكن نبدا نوثق ليهو ؟؟؟
هل عندنا حاجة بنقدر نجهزا لي أجيال جاية قدام؟؟
ولا ح نألف حاجات برضو ونكضب فيها ويجو الاجيال البعدنا يشوفوها بطولات ؟؟
هل ح نزوّر في حقايق؟؟؟
هل ح ندسدس العايزين ندسدسو ونظهر العايزنو ؟؟
عندي إحساس إنو أغنية الفنان كمال ترباس :
هبّت ثورة الإنقاذ..يوم الشعب للجيش إنحاز ..
ممكن تكون أغنية وطنية يستدلوا بيها الاجيال القادمة عن بطولات الشعب السوداني..
والمانع شنو إنو نحكي لي أطفالنا بعدين إنو الفنانة نجاة غرزة كانت واحدة من البطلات الوقفت ضد ما يسمى النظام العام ويكفي إنها إتجلدت قدام جمع من الناس لكن ما وقفت عن الغنا وواصلت كفاحها ..
والبيمنع شنو إنو نافع وعبد الرحيم تصير واحدة من رموزنا الوطنية نحكي عنها وعن تاريخها وكيف غنو نافع تنحى عن السلطة في موقف بطولي ديموقراطي ...
والبيمنع شنو إنو نكضب علي أحفادنا بتجربة السيد الصادق المهدي اللي كان عندو ولدو في الحكومة وبتو في المعارضة أخوها يدقها الصباح في المظاهرات عاااادي ويجو يقعدوا في صينة الغدا مع بعض عااادي ويتونسو في جو أسري ...
هل ما يمنع إنو نحكي عن موسى الزومة كلاعب إسطوري مثل المنتخب القومي وكان طرف شمال لن يتكرر؟؟؟
تخريمة :
حنّانة النسى أهلو ما نسانا ..
قالوا أمو حنكوشة ..
تعمل كده بي رموشة..
وقالوا أمو ما فيشة ..
عاملة جبنة بي شيشة..
دقّ الباب وجانا ..
جريت لي حفيانة ..
من أسة انا حاجز الأغنية دي عشان بعدين أحكي لي أولادي إنها أغنية رمزية كتبتها علوية حواجب عن الوطن ..
|
|
  
|
|
|
|
|
| العنوان |
الكاتب |
Date |
| أغانينا ..و رموزنا الوطنية ..وتاريخنا سنة 2150 م.. | عمر الفاروق | 01-05-14, 06:59 AM |
| Re: أغانينا ..و رموزنا الوطنية ..وتاريخنا سنة 2150 م.. | محمد إبراهيم علي | 01-05-14, 07:38 AM |
| Re: أغانينا ..و رموزنا الوطنية ..وتاريخنا سنة 2150 م.. | عمر الفاروق | 01-05-14, 09:02 AM |
| Re: أغانينا ..و رموزنا الوطنية ..وتاريخنا سنة 2150 م.. | hassan bashir | 01-05-14, 09:11 AM |
| Re: أغانينا ..و رموزنا الوطنية ..وتاريخنا سنة 2150 م.. | عمر الفاروق | 01-05-14, 09:19 AM |
| Re: أغانينا ..و رموزنا الوطنية ..وتاريخنا سنة 2150 م.. | Hussein Mallasi | 01-05-14, 09:43 AM |
| Re: أغانينا ..و رموزنا الوطنية ..وتاريخنا سنة 2150 م.. | بله محمد الفاضل | 01-05-14, 09:58 AM |
| Re: أغانينا ..و رموزنا الوطنية ..وتاريخنا سنة 2150 م.. | عمر الفاروق | 01-05-14, 12:44 PM |
| Re: أغانينا ..و رموزنا الوطنية ..وتاريخنا سنة 2150 م.. | علي دفع الله | 01-05-14, 10:18 PM |
| Re: أغانينا ..و رموزنا الوطنية ..وتاريخنا سنة 2150 م.. | Hani Arabi Mohamed | 01-05-14, 10:58 PM |
| Re: أغانينا ..و رموزنا الوطنية ..وتاريخنا سنة 2150 م.. | عمر الفاروق | 01-06-14, 06:24 AM |
| Re: أغانينا ..و رموزنا الوطنية ..وتاريخنا سنة 2150 م.. | عمر الفاروق | 01-06-14, 06:28 AM |
| Re: أغانينا ..و رموزنا الوطنية ..وتاريخنا سنة 2150 م.. | عمر الفاروق | 01-06-14, 06:30 AM |
| Re: أغانينا ..و رموزنا الوطنية ..وتاريخنا سنة 2150 م.. | alsngaq | 01-06-14, 07:40 AM |
 Re: أغانينا ..و رموزنا الوطنية ..وتاريخنا سنة 2150 م.. | HAIDER ALZAIN | 01-06-14, 09:31 AM |
| Re: أغانينا ..و رموزنا الوطنية ..وتاريخنا سنة 2150 م.. | عمر الفاروق | 01-06-14, 11:40 AM |
| Re: أغانينا ..و رموزنا الوطنية ..وتاريخنا سنة 2150 م.. | عمر الفاروق | 01-06-14, 11:44 AM |
| Re: أغانينا ..و رموزنا الوطنية ..وتاريخنا سنة 2150 م.. | ياسر السر | 01-07-14, 12:34 PM |
|
| |
عمر الفاروق
فيس بوك
تويتر
انستقرام
يوتيوب
بنتيريست