بعد أن أجهز البطل على نصف حسن موسى!

Quote: تقول يا البراق :".. Quote: أما في شأن الشفافية والعكرة، فإنني لم أطالبك بتقرير مالي للفترة التي قضيتها في التليفيزون أو في صحيفة الأيام، ولا ينبغي لي، لأن ببساطة، هذا ليس من شأني أو مما يقض مضجعي، فإن كنت تتقاضى ألف أو مائة فهذا لا يفرق عندي، ولكنه يفرق عندك، وتفرد له مساحة كبيرة في سجالاتك، لماذا، والله لا أدري! ولك أن تسأل "أصدقائك" من أمثال كمال الجزولي أو عبدالله علي إبراهيم، عن مكابدة العيش لأمثالنا- ولي تحديداً إن أردت- ولكني في نفس الوقت، أتبرع لك بالقول بأنني أسعى جاهداً من خلال العمل المتواصل، ليكون لي راتب محترم، يكفيني مؤونة السؤال. ثمّ، من قال لك إنني أعمل في منظمة سرية؟ أرسل لي عنوان بريدك الإلكتروني وسأزودك بما تشاء، ضمن المئات ممن أفعل معهم، بكل ما يصدر عن منظمتي (غير السرية) من تقارير أو نشاطات أو بيانات أو أخبار، مرفقة باسم منظمتي ووضعي الوظيفي فيها، ولك بعدها أن تدّعي، إن ما أقوم به من أعمال، لا يقع تحت سلم أولويات أهل السودان، يا البراق إذا كنت لا تدري فأنا أدري بأهمية ما يتقاضاه الكتاب و الصحفيين و الفنانين من خزائن السلطات السياسية. عشان منازعتنا دي من أولها قايمة على السؤال القالوا " مبتذل" و " ثانوي " و " انصرافي". أعني سؤال " يا فلا ن منو الفبيدفع ليك راتبك؟ و بيدفعوا ليك كم؟ و كونك تطلب مني أن أسأل أصحابي " من أمثال [ شايف " أمثال" دي؟!] كمال الجزولي أو عبد الله علي إبراهيم " عن مكابداتك المادية فهذه و الله حكاية ضحكت منها الغنماية السودانية الحزينة حتى بانت نواجذها! يا خي أنا قدامك و بسألك عينك عينك : يا فلان إتّ شغال وين ؟ و بيدفع ليك منو ؟ و بيدفعوا ليك كم؟ تقوم تقول لي أمشي أسأل كمال الجزولي و عبد الله علي ابراهيم؟ ليه ؟ أتّ مشغلهم في سكرتارية منظمتك السرية ؟ و بمناسبة سيرة المنظمة السرية التي تقتات من جعلها السري ، شايفك اشترطت علي ارسل ليك عنواني الإلكتروني حتى تمدني بالمعلومات عن منظمتك و ضعك الوظيفي. مسكينة الغنماية الضحك قطع مصارينها ! ياخي وكت أصلها منظمتك علنية و مسجلة لدى السلطات، إنت خايف عليها من شنو؟ و إذا المسألة فيها أسرار قدر دا أنا ذاتي زاهد في تعريضك و رفاق منظمتك الموقرة للخطر. عشان لو رسلت لي أي معلومات عن هذه الـ " كوزا نوسترا" النضالية السودانية بتلقاني تاني يوم ناشرها هنا في منبرنا دا، إذا وجدت في نشرها ما ينفع الناس. يا البراق منازعتنا دي منازعة تخص العمل العام.و عشان كده أنا متلّحك بسيرة الشفافية. ولو سخيت و جاوبت على سؤالي بالتي هي احسن كان بها و لو قعدت تتزاوغ يا زول بطريقتك ، و بكرة "ياتيك بالأخبار من لم تزود "! شايف؟ تشوف بي وين مع نوع كلامك دا؟ : "..