|
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... (Re: معاوية المدير)
|
إســتــرآحــة...
إشـتـهـيـت أهـلـي ...
إشتهيت ساعة العِصيّر شبورة نزلت فوق فِريعات السُنُط ريحة الدُعاش ممزوجة بي ريحة البرم وريحة المُرآح حبوبة تحلِب في الغنم ندهت جميع أهل الصلآح مطراً يخدّر أرضنا مطراً يحيّن ضرعنا القِبلي يشلع في السحاب ودُكناً بُعاد صِبحن قُرآب والوادي خدّر زي تقول ما كان يبآب نُوارو فتّق في الغصون لمّ الفراش الزِيّفة والمطر الدُعاش طراها زول من اهلو غاب رفعت إيديها اضرّعت للمولى يرجع للصِحاب نزلت دُموعا علي الخدود سآلت مع مجرى الشلوخ يا ربي تِنحلّ الصِعاب ويعودو للبلد البُعاد إشتهيت، شهقة صباحات الفريق وضو الشمس ينسج وِشاحات يوم جديد وناعس الخدآر الفوقو نام قطر الندى صحاهو نسام البحر الهابي من تلآ الصعيد مرقن تخايات في السما نُصّت نهار كايسات يضارن للشمِش يوماً مولّع نار وحآر لكنو كان يوماً سعيّد والدِنيا عيد عيدية واطفالاً سُغار الفرحة في عيونهم تلُوّح وناساً كُبآر الهيبة فوقهم والوقار إشتهيت قيفة البحر مويتو المنقِعة سلسبيل وبحرنا في واديهو نِيّل جُرُوفنا والليل الطويل والقمرا بينات النخيل القعدة فوق صافي الرمال السمحة والزمن الجميل كلآم دُقاق وعبير جروف خدر العِشِق وندى الحروف والدنيا ليل كل الوجود رآخي السمع حتي الخدآر بفوقنا مال يِصنّت النضم الدُقاق لمتين اعود للسمحة ما طال الفُرآق؟ طال الفُرآق والغربة ما بتصير وطن طال الفُرآق وشوق السنين في الجوف سكن ومهما السِنين إتراكمن وقِسى الزمن الغربة ما ممكن تكون لزول وطن والغربة ما ممكن تكون لزول سكن . . . ود المدير...
|
|
|
|
|
|
|
العنوان |
الكاتب |
Date |
والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | معاوية المدير | 12-28-13, 12:42 PM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | معاوية المدير | 12-28-13, 12:57 PM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | معاوية المدير | 12-28-13, 02:14 PM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | عبدالعزيز عثمان | 12-28-13, 08:53 PM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | rani | 12-28-13, 09:49 PM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | معاوية المدير | 12-30-13, 10:26 AM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | بله محمد الفاضل | 12-30-13, 10:39 AM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | معاوية المدير | 12-31-13, 08:35 AM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | معاوية المدير | 12-31-13, 11:51 AM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | معاوية المدير | 01-02-14, 10:13 AM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | معاوية المدير | 01-03-14, 11:29 AM |
Re: والله مُـشـتـاقـيـن،،، كـتـابـة مُـبـاشـرة مـن الـقـلـب لـلـقـلـب ... | معاوية المدير | 01-03-14, 11:39 AM |
|
|
|