أحلام مستغانمي دي منو ؟؟؟

Quote: ياخ الزولة كان واضح جداً إنها ما ملمة بي أبعاد القضية بتاعت موت بهنس الله يرحمه.. ورغماً عن كده جينا فلفلنا كم سطر وعملنا منهم لوحة ومدرسة في فن الرثاء والتعبير .. العملتو احلام ده بيشبه للحد البعيد ما يكتبه شعراء الايامات دي للفنانين ..ياخ عليك الله اكتب لي اغنية عن امدرمان..ياخ عايز لي اغنية يكون فيها كلمة بقجلي.. عايز لي قصيدة عن اتنين بحبو بعض وخلتو .. ويقوم الشاعر يطلع ورقة وقلم ويكتب.. واضح جداً ما كتبته احلام إنه مكتوب بتوصية أو بحكاية إتحكت ليها من واحد من معارف الطرفين .. ورغماً عن كده جينا هللنا وكبرنا لمجرد إنو روائية مشهورة رثت فنان سوداني لا بتعرفو لا سمعت بيهو لا قرت ليهو !!!!!!! طيب لييه إختارت بهنس ده تحديدا للتعبير عنو ؟؟؟ ما حكوا ليها عن ماسي مشردين كتااار ماتو تحت الخيران؟؟