اعتذار حار لي بت حلتي مني عوض خوجلي!

Quote: *بعد متابعة لصيقة لسير الاحداث، في الميدان، تاكد لنا حدوث نقلة نوعية هائلة، بين ليلة وضحاها، في مسار حركة تحررنا كشعب سوداني لايزال الي اليوم مستعمر بالوكالة سياسيا، او مستعبد ذهنيا او نفسيا، يكابد الاستلاب الثقافي. *اسلوب الوخذ بالابر الكوشية، اجترحناه، منذ بداية الاسافير السودانية اواخر التسعينات، لايمانا المطلق، كيف الخطاب التقليدي لايجدي مع انسان في حالة "كوما" اي غيبوبة، كحالنا العجيب في بلاد السود، او السودان، فاقد لذاكرته الثقافية، اي فاقد للهوية. متمدد في قاع هوة سحيقة، فاقد لوعيه، هذا المسكين لايدري، اين هو؟ من هو؟ من اين اتي اوكيف؟ *ما كان غرضنا توصيل او تسويق طرحنا في اللحظة ديك، للخصم المعني، لانو ده ماعملي، وان كان غرضنا توصيل طرحنا للقارئ، باستخدام خصومنا كاداوات، والواضح مافاضح! *عشان كده انتشرت في المنبر لازمة "عزيز بشاشا، القارئ، وهذا غريب بحق، يوضح الفرق الكبير مابين مدخلنا او مداخل الاغلبية هنا، البتركز علي الاعضاء وليس القراء! طيب الحصل شنو اصلا عشان بشاشا يبدأ مشوار تغيير خطابو؟ *الحصل انو مفهوم السودان الجديد، بدأ يتنزل، كوعي وخطاب الي مستوي الفرد العادي، كنتيجة مباشرة لحماقة القائمين بامر السودان القديم، وليس لاي مجهود خارق من قوي البديل حقيقة. لهذا حتي علي مستوي المنبر تجدوني كثير ما اردد، ان الغلاة من خصومي، هم افضل جنود طرحنا، احيانا!