|
Re: ماهو وجه الاعتراض على مقال فاطمة الصادق؟؟ (Re: Balla Musa)
|
صديقي بله موسى.. حبابك
كل سنة و انت طيبة.. لينا طولة...
اول حاجة كتر خيرك على نقل مقال فاطنة كاملا ، و صدقني ألأربعة ايام الماضية اساسق عشان القى المقال كامل ، بقت علي زي حكاية حصلت قبل تمانية سنين.. الشعب السوداني يكورك نانسي عجرم و هيفاء وهبي..و انا اشيل و افتش عشان اقدر اساير الأمة في اندهاشتها العظيمة..و لمن مشيت سمعت الإتنين بقت علي حكاية زي حكاية حسين ملاسي المستخسر الجنهين في جريدة الأيام (طيبة الذكر ، طبعا).. المهم...
هذه هي العبارة التي شكلت الإعتراض على كلام فاطنة ، قولها جزما ، اكرر جزما يا محجوب :
*في كل بيت سوداني مدمن و(سكران)و(صايع) و(زاني)
و كل بيت سوداني داخل فيها ، طبعا فاطنة مجلية في الحتة دي ، قرى الريف البعيد من اقصى الشمال لغاية اقصى الجنوب ، و من اقصى الشرق لغاية اقصى الغرب ، مرورا بالوسط.. فشنو.. فاطنة الحكاية دي ما واقعة ليها..!! قانونيا ممكن كان تقوم دعو ى جنائية على اساس عناصر جريمة القذف كما حددها القانون الجنائي السائد ، و في نفس الوكت كان ممكن تكون قضية حسبة عامة يناقشها البرلمان السوداني.. لكن...!!!
و في اعتقادي ، لو سحبت هذه العبارة من المقال ، لن تؤثر على السياق العام ، هو مقال يدخل في باب النقد الإجتماعي و نقد السلطة كمان ، و شهادة وفاة للمشروع الحضاري ..!!! لكن الما دايرك في الضلمة يحدر ليك...!!!
و لو كنت في مكان فاطنة اكتب مقال اعتذر عن هذه العبارة بالتحديد ، و لو فعلت كده أي حاجة تكتبها الناس ح تتعامل معاها بجدية ، لأنو عندها حصانة (حب سيد السلطان عدييييييييييييييييل)...و الحصانة دي ممكن تستغلها في الكتابة عن قضايا اجتماعية..و السلطة ح تسمع كلامها اكتر من كلام ناس المعارضة.. و كده نكون نحن الجماهير الطيبة كسبنا الحسنات كلها..!!!
كبر
|
|
|
|
|
|
|
|
|