|
|
 Re: شوفو،،وصفقو لي رانيا مامون،،فهم،،ذوق،،ويمين ،بت صح..فديو. (Re: عبدالعزيز عثمان)
|
ي صديقة اختي رانيا مامون
والصديق الشيخ
سلامات يابت يا ذوق
يا سمحة ووردة وغنية
كانت عينيك مليانة سماح
رغم اذية السفلة
كانت تنضح حنية
انا شفت صفاها
وشفت بهاها
وعشق الناس الساكن جواها
سلامات يا ابهي بهية
بتتعافي العين
بتسندك دعوات الناس الطيبة
المرقت تغني الحرية
الناس الطيبة الفائح منها عطر الشوق
الناس الملت الساحة
من عشق بلادها مسقية
يا بت ياداخلة عميقا
جوه هموم الناس
يا شايلة احلام الفقرا هوية
بنلقاك صباح يابنية
معاك عمال بص الوردية
تربال قايم الضحوية
واماتنا الشافن الف اسية
نلقاك ونخفف منك حمل الوطن
الشايلة سنين
وما خنتيهو قضية
نلقاك نبشر فوقك
يا اجمل بنوتنا
يا شامخه
ودغرية...
|
|
 
|
|
|
|
عبدالعزيز عثمان
فيس بوك
تويتر
انستقرام
يوتيوب
بنتيريست