بشري سارة : تكوين المجلس القيادي لجنوب كردفان وتعيين حاكم الاقليم ونائبه ( صورة من القرار )

Quote: انا لا اسب الجبهة الثورية بل انقدها...لكن عقليتك الشيوعية الاحادية الجانب بتصور ليك انه من ليس معنا فهو ضدنا وهسه كان جبت ليك اسئلة تتعلق ببرنامج الجبهة الثورية "المنزل ده" ما بتقدر تجاوبو بس بديك نصيحة لوجه الله ذى عقليتك دي ما عندها علاقة بالديموقراطية وانت ..لا بتعرف رؤية السودان الجديد ولا بتفهم كلام جون قرنق واكثر الناس الشوهو برنامج الحركة الشعبية في السودان هم قدامي الشيوعيين واليسار البائس وكمان اعرف تاثير الانترنت في السودان الانت متضخم بيه لا يتجاوز الاتي 1-الانترنت 10% في الداخل في جمهورية العاصمة المثلثة وبعض المدن و6 ملايين في الخارج ما فاضين من لعب الكوشتينة والرحلات والعوازيم وحفلات الفنان درجة عاشرة البذوروهم -هناك وشوف الشمطة القائمة في النادي النوبي في لاهاي الان في البورد ده-ركز على الكوشتينة- 3-الصحف 30% ومحاصرة ومشوهة ويا حليل اجراس الحرية كانت بتكمل قبل شرقة الشمس 4-التلفزيون 70% المدن وبرضه فضائيات لانقاذ"اكل المستشفيات" ما قصرت في تلجين وعي السودانيين في الداخل واحباطهم 5-الاذاعة 100% ودي بتغطي كل السودان ولا زال عشاقها بالملايين ولكن الاذاعات الموجوهة كاتندار وراديو تماذج ودبنقا تهيمن عليها الجهويات والعنصرية ولا تقدم ثقافة ولا فكر ولا حضارة السودان يعني هواة ساكت ولن تفيد السودان بي شيء من الليلة اتواضع عشان تفهم ما تمارسه الجبهة الثورية من كنكوج ليس له علاقة برؤية السودان الجديد"الاصل" وانت ما قريت اتفاقية نيفاشا ولا الدستور الانتقالي ولا برنامج الحركة الشعبية في انتخابات 2010 الذى تداعى له الملايين وده واضح لمن فتشك نصر قعد تعرض بيه وغلبك تجاوبو والبورد ده جزء من همي وليس كل همي والامر يحتاج ليك تستخدم محرك قوقل عشان تعرف.. لكنه كل همك انت وخرفان انيمال فارم..تنعقون بما لا تفهمون ...وتحاربون طواحين الهواء دون وعي او دارك بغياب اي نتائج ملموسة في السودان...انا خايف تجي انتخابات 2015 وانتو في المناظر هي ذاتا والصور نفس المشاهد.. ونحن هنا ما بنسب شخص وليس لنا عداوات شخصية فقط بنحتقر وعي السودان االقديم بكافة دراجاته عشان الناس تخليه وتشوف وعي محترم يؤهلها لحكم السودان بدون كذب او نفاق او فجور...لذلك كلمة يسب دي احسن تحذفا..