عبدالله أحمد البشير اخو البشير ... عمارات كافوري بنيناها من قروش صالون الحلاقة

Quote: اها يا عباس وقعت لي مربوطتي وصادف الكي الوجع نجام القبورة رشها بالطيارات من فوق والمبيد بي تحت , ده حسب قول اهلي , وابوي وامي رحمهما الله لا يحدثانك دون ان يتخلل حديثهم كمين مثل , وقد تصدق روايته وما سمعته انا مخالفا حدثني عمنا المرحوم محمد الحسن الطاهر الشهير بود الشريف رحمه الله ,, حديث من خشمو لي اضاني وانا واعيا هو من قرية الصقيعة بلد الشيخ حياتي المادح المشهور قال لي راكبين حميرنا انا وفلان وفلان وعدد لي انفار لا اعرفهم ,, ماشين العريباب لي فاتحة ,, قاشرين قشرة شديدة ,, عمم وطواقي وجلاليب مكوية ,,ماشين بالدرب الفوق عينا لي شيخ العرب قاعد فوق عنقريبو تحت شدرة , قالو نغشاهو نسلم عليهو , وانا قلت ليهم شيخ العرب ده مفتري وبحب يتمريس فوق الناس ,, في كلامنا داك واحد مننا لف رقبة حمارو وعنا شيخ العرب ,, اها كلنا باريناهو خوفا منو لأنو شايفنا سألنا وين آ عرب نضيفين كده , ماشين وين قلنا ليهو فاتحة في العريباب قال لينا كدي عندي زريبة دايركم تسكوبوها لي ,, ماعندنا قول معاهو وهو زول ظالم ,, ماشين نقلع عممنا وجلاليبنا ,, حلف علينا ,, مسكنا لامن الشمش واحت , وقال لينا تاني يا عطال قدر ما تكونو ماشين بكا اغشوني بي هنا معليش ياخ اسهبت ليك