كلنا الفتاة المغتصبة ص.أ

Quote: لامات أستاذه أماني وكل المتداخلين!! بالجد الواحد ممغوص ومغبون عايز ينفجر من البيحصل في البلد عشان كدا يغلبني أقول حاجة بالذات في موضوع بتنا صفية!! بس عندي ملاحظة أو قولي طلب بسيط لو تكرمتي بخصوص الصفحة في الفيسبوك!! أولآ صفية وذي ماكلنا عارفين إنسانة شجاعة وجسورة قدرت تطلع من المألوف وتكسر حاجز الصمت وهواجس العيب والخوف الساكن في عقول الناس وتتكلم بكل جسارة عن الحصل! بالتالي يجب إنو صفحتا تتزين بإسمها الحقيقي لا سيما إنو صفية إتحدت الخوف وكشفت عن شخصيتها الملهمة! تانيآ الأصل بيقول إنو صفية إنسانة شجاعة، جسورة وبطلة والإغتصاب ماهو إلا قدر عارض عشان كدا أنا شايف إنو من الأفضل نستبدل كلمة (المغتصبة) بالجسورة، البطلة، الشجاعة أو حتى نخليها ساي ويكفي إنو إسم الصفحة يكون كلنا صفية إسحق!! بالإضافة لدا عاوز أقول ليك ماتتخيلي إنو كلمة إغتصاب دي حارة ومؤلمة قدر شنو؟ وفي ناس حساسين جدآ يتحاشوا حتى يقروها ولأنو نحن محتاجين لأكبر كمية من الناس في الصفحة بما فيهم الناس ديل بشوف إنو نشيل كلمة مغتصبة مع الإحتفاظ بها في مكان التعريف بمن هي صفية إسحق.. وآخر حاجة عاوز أنوه ليها إنو في صفحة مماثلة عملتا إدارة قرفنا لكن ممكن الناس توحد الجهد والتنسيق عشان تكون صفحة واحدة وبالجد عندي إحساس إنو ما حتكون أقل من صفحة كلنا خالد سعيد!! وذي ما إنتي قلتي لتكن صفحتها شمعتنا المتقدة في هذا الظلام الحالك ولتكن الشعاع الذي ينير لنا الطريق ومعآ ناخد بتارنا.. خالص ودي.. رضوان داؤد