العن مكان, وطني السجمان

Quote: شباب شارع الحوادث- مدني =========== قصة حصلت معنا اليوم ولن ينساها شباب شارع الحوادث ودمدني =========== حينما كنا في وردية اليوم سمعنا صوت امرأة تسأل: { ياجماعة وين شباب شارع الحوادث؟؟؟} فقام احد الاطباء بوصف مكاننا لها فأتتنا مسرعة فقمت لها لأعرف حوجتها فقالت لي :{ياولدي انا محتاجة ليكم} فأجبتها : اتفضلي يمة نحن سامعنك فقالت : والله ياولدي عندي بتي عيانة في عنبر العناية والدكتور كتب لي الفحوصات دي والله انا ما عندي غير{جنيهين} بتساعدوني يا اولادي وبعد البنت تبقى كويسة ان شاءالله ليكن علي اشتغل كان ايييي حاجة لغاية ما احل ليكم قروشكم دي {يعني تعالجها بالدين} فأجبتها : لا يا امي ان شاءالله ربنا يشفيها ليك وفحوصاتك كللللللها لوجه الله تعالى بس دعواتك معانا لم ارى الا دموعها تهطل ولم اسمع منها غير{الله يقوي ضراعكم يا اولادي} هل تعرفون ماهي فحوصاتها؟؟؟ صورة مقطعية بقيمة 300جنيه وادوية بقيمة 24 جنيه بحمد الله في اقل من ساعة تحصلنا غلى المبلغ المطلوب وذهبنا مسرعين الى عنبرها لكي نحمل الطفلة الى المعمل لعمل الصورة المقطعية وعنما دخلنا الى العنبر فإذا بالخالة امامنا للاسف وجدناها تبكي بحرقة وقالت جملة لن ننساها:ممكن تبدلو لي العلاج بي كفن؟؟؟ نعم لقد اتى امر الله لقد فارقت الحياة ... وقام شباب شارع الحوادث بدفن الطفلة مهاد بمقابر المكي ...