ود بادي وشعره الذي كان ينضح شروخاً نفسية!

Quote: عاد ماني شبه عريسك انا الحفي التربال غبش مشققات ايدي وماني شبه عريسك انا وانا اللي بكره ما عندي حرم, والكرم والجود والطوريه والواسوق ياها وريثتي من جدي شباكا يجيب لي هواكي اتحداكي من تالاي عديل سدي وعريسك دايره لعبه في ايد محل ما دايره بتودي وان مليتي منو كمان ممكن لاي زول تهدي وان حبيتي واحد تاني طلقي اوعي ما تردي هو لو عندو ليك سؤال يمد ايدو ويقول فندي وان كان منو فلتت كلمي لي جد جدو تنسدي عريسك انتي شبهو بره وعريسك يشبه القمره يشاركك ديمه في التوليت ولا رياحو في الخمره كمان عند حفرة الدخان يقولك ياختي زحي كدي عاد ملقطه وكلك اسبيرات متل فضية العدي ضفورك من صنع باريس رموش عينيك هولندي مساحيق بدره مصريه بصابونه بتهدي كدي هسع اقلعي الباروكه كان ما تشبهي الكودي ولا تعالي بفستان قصير ركبي كان ما احلف عليك سقدي انا ان وديتك ارقي هناك بتشيلي الصفيح تردي وان كان ما لقيتي الباصته من الدومه بتكدي وان قلت ليك مراحنا جعان تعرفي طمعتي السعدي وحات اسم الله من نص حوض الا تمسكك الوردي كان قايله السماح في الشارلي انا زولي سماحتو بالفردي وكان قايله انتي جميله انا زولي في السماح هندي وكان قايله زيك مافي عايني وفي النجوم عدي وكان قايله انتي براك اخجلي ما تقولي كدي اماني الدنيي ما مليانه بالحور حوا كم والدي وحدات في رفاع ود سن وحدات في غرب شندي عاد عليكم الله يا اخوان ما تشوفووو المطرطشه دي اقوله لا تسوي كدي واخيرك كان تسوي كدي تقول لي نووو اسفه سووري زوقك لسه زوق بلدي على ان الجلاد كليمك ده وعلي ان الجلاد خليقتك دي وعلي ان جلاد كشيرك ده قبال مني ما تعدي عندي وصيه ليك بقوله اخير تاخديها من عندي شاان عرس البلد عزي وشان عرس المدن شحدي انا اهرب من البندر وروح لبنات بلدي