معايدة المركزالثقافي السوداني بالدوحة روعة روعة (صور)

Quote: ( حرقك يا فوفو ) ؟ شفت مرات الكلام الهظار ببقى حار كيف يا طمبل ؟؟ ده ما يا هو نفس الكلام الإنت قا عد تقولوا وتطاعن بيهو المناتلين .. وقاعدين نقول ليك الكلام ده ما بشبهك يا طميل ! إنتو قلتو المركز ده ما عايزين فيهو سياسه ... أها معايدتنا فى نادى الغزال دى سياسه .. فكيف عايزين المعايده تبقى واحده ؟! بعدين الكان فى المركز الثقافى ده هو معايدة السفير البعملها كل سنه فى السفاره ,, ليه إتغبرت السنه دى وبقت فى المركز الثقافى ؟! المسأله مفروض تكون كما كانت معايدة السفير فى السفارة ومعايدة المعارضه فى نادى الغزال وليبقى المركز الثقافى للثقافه . يعنى هسه العيد الجاى لو تصادف وجود نافع أو عبد الرحيم أبو رياله فى الدوحه زى مصادفة وزير العدل ده برضو عايز الناس تجى عشان تعيد مع عبد الرحيم ونافع .. يا طمبل يأخ خليك مفتح وما تنساق وراء الأشياء بهذا العمى . مع إحترامى الكبير للأخ أحمد عبد المنعم لكنى أقول له طالما أن الناس توافقت على أن يكون المركز الثقافى هو للثقافه فقط فأرجو أن يطلب من السفير أن يبتعد أيضا بقعالياته ومناسباته من المركز .. حتى يثق الناس فى توجه المركز ويأتون اليه فرادا ومجموعات دون أى حساسيات ولتكن فعاليات المركز والإعلان عنها خاصة بإدارة المركز دون تدخل السفير أو السفارة وإلا فإننا سوف ننظر لهذا المركز وكأنه مقرا للمؤتمر الوطنى وها أنتم تسقطون فى أول تجربه . بعدين يا طمبل قول لعزام ده ما تلخبط بين علاقتك الشخصيه مع أحمد عبد المنعم وقولة الحق . يعنى هسه يا عزام فى ذمتك الكان أمبارح فى المركز الثقافى ده معايده للمركز ولا معايده للسفاره ؟! وهل ضيف الشرف ده لو كان البشير أو عبد الرحيم برضو كنت حتصافحو ؟! هى السياسه دى كيف ؟! وزير العدل ده ليه ما جانا فى رابعه العدويه أنحنا ماسودانيين ؟؟! يا عزام بأخ ما تكون زول بسيط كده .. ما عهدناك كذلك . ويا طمبل لو الكلام بحرقك قدر ده تانى ما تهظر مع ( المناتلين )