|
Re: براااحة علي.... (Re: Safa Fagiri)
|
بشتاق للقياك في سكون الليل لما القمر يفرد سماحو على الأشواق كسى مالك يا حبيبي! شايل هموم الدنيا ليه؟! ما هو عاد ريدي المفرهد بي طيوفك! وطايعة جيت ليك بالحنين.. والشوق يفرهد مهجتي انسج خيوط النور غنى وارسم مواويل الهوى أسطورة الخاطر الرزين وإحتمال اللقيا في حوار عيون بي صمتها تبعث حديث الشوق مطر يطفي نيران الفراق البيني ما بينك أفق منحاز لهمس الغيمة في ساعة هجير البيني ما بينك عواصف مشمئزة من الهوى النافح ضرامو على الصحاري بدون حدود البيني ما بينك قيود أعراف بتتحور قلايد في محيط رغبات جموحة وإنحياذ لي شوق بيتمرد حنين صابي ومدارك مدهشة البيني ما بينك سراب بيتمدد بروق وكت الشمس تبدا التواصل بي صمود الأزمنة الهيمانة في عز الضحى أنسى التباريح يا حبيبي والدنيا إيه ! غير فرحة الشوق المثالي ولثمة -الحب البديع- يا روعة إحساسي الموازي لي طيوف الإحتمال أهديك قوافي الريد قلادة في يمنى جيدك يا وديع أحويني بي حسنك لحيظات باهية تروي الشوق عسل ريدك وسن.. يا أسمى زول أنا بحت بي إحساسي ليهو في هجعة الوهج المتيم في موسم الهتن الضجر -جاططت-غيوم الويل و صبت صرختا زخات من الدفق الثقيل غرقت بيوت طافت جدر صحت أنين الوجعة في ساعة الهجير غنيت اهازيجك رحيق ضمدت بي حبك جروح وكتبت ليك الريد قوافي أنيقة في سطر الشمس
حب شنو الجاياني بيهو في موسم الوجع الضنين؟! قوليلى بس ! كيفن يكون العيد سعيد في غيبة الحسن النزيه؟! والناس هناك محزونة بي البيت الودر؟! مكلومة تبكي على الرتاين الانطفت ساعة البرق مازج ضجيجو مع الرعد محتارة لو الليل صبح من وين تجيب الكسوة تتغطى من زيف العكر كيفن حتبني الانهدم من سور تبنيهو بي بالهم والفتر؟! عزراً اذا حاولت ارسم فرحتك وصليت فروض وصلك نزر فاضت تلاوين مهجتي من ذوبعة فكراً -ملخبط- بالحقايق والمجازات والحرص والصبر الموله من رنين الاحتمال طلّع صمودي كُتر كُتر
معليش خلاص!? براااحة بس! من غير زعل وريني أعمل ليك شنو؟ كيف أمنحك حبي المثالي من غير قيود وبلا حدود من غير ما ينجرح حسك الرهيف او ينجرح خاطر نهارك يا أمل ريدي الموازي لي موسم الفيض الحزين وأنا ذنبي أيه! ان جيت أبثك فرحتي بي لهفة الشوق الرصين واكتب حروف حبك غنى ارويها للناي المصون ألقاك مناظر بي شجونك لي زاوية الوعد الذي ان جاء انبلجت تواريخ الصباح الحر وضاحاً بأوسمة المسرة والعدالة والفنون فالتبتعد عنك المنون ولتبقى أنت البدر يبعث نوره حصناً منيعاً في حوار القائمين حراً إذا شاء القدر ومعاً سوياً نقهر البين ونبني للمحبة مشعلاً في أعلى صنوان و بر
|
|
|
|
|
|
|
العنوان |
الكاتب |
Date |
براااحة علي.... | Safa Fagiri | 08-05-13, 09:18 PM |
Re: براااحة علي.... | Safa Fagiri | 08-08-13, 11:31 PM |
Re: براااحة علي.... | Safa Fagiri | 08-11-13, 05:43 AM |
Re: براااحة علي.... | Safa Fagiri | 08-11-13, 11:21 AM |
Re: براااحة علي.... | سامر صلاح نور الدين | 08-11-13, 11:48 AM |
Re: براااحة علي.... | Safa Fagiri | 08-12-13, 09:19 AM |
Re: براااحة علي.... | إدريس محمد إبراهيم | 08-12-13, 09:39 AM |
Re: براااحة علي.... | Safa Fagiri | 08-13-13, 12:08 PM |
Re: براااحة علي.... | هويدا شرف الدين | 08-13-13, 12:43 PM |
Re: براااحة علي.... | عمر الفاروق | 08-13-13, 02:13 PM |
Re: براااحة علي.... | Safa Fagiri | 08-13-13, 08:49 PM |
Re: براااحة علي.... | إدريس محمد إبراهيم | 08-15-13, 11:05 AM |
Re: براااحة علي.... | Safa Fagiri | 08-18-13, 00:15 AM |
Re: براااحة علي.... | عبدالعزيز عثمان | 08-18-13, 07:28 AM |
Re: براااحة علي.... | عمر الفاروق | 08-18-13, 08:57 AM |
Re: براااحة علي.... | إدريس محمد إبراهيم | 08-18-13, 10:35 AM |
Re: براااحة علي.... | Safa Fagiri | 08-22-13, 09:40 PM |
Re: براااحة علي.... | Safa Fagiri | 08-21-13, 04:02 AM |
Re: براااحة علي.... | Safa Fagiri | 08-20-13, 02:48 AM |
Re: براااحة علي.... | Safa Fagiri | 08-20-13, 01:57 PM |
Re: براااحة علي.... | Safa Fagiri | 09-01-13, 02:51 AM |
|
|
|