|
|
 Re: براااحة علي.... (Re: عبدالعزيز عثمان)
|
الأخ إدريس..
كل عام وإنت بخير..
كلامك صراحة كان كتير بس الفهمتو منو إنك بتقول علي زول شحويط تقريباً أو متشوبر بي لغة الحلة ..
ةالأهم من كده إنك في صمة خشمي قوولتني كلام ما قلتو .. انا سألت سؤال بدون تغليف أو نوايا سيئة وفعلاً كنت عايز أعرف هل الكتبتو ده شعر ولا نثر ..بدون تجريح بدون تريقة بدون أييي شي من الحاجات اللي يبدو إنك كنت شايلا تجاهي بالرغم من البدايات الكويسة والمعايدة ..
هل لمجرد الكلام إتكتب في سطور تحت بعض يسمى شعراً ؟؟ هل لمجرد إنتقاء عبارات متوافقة مع ما يكتب الشعراء يسمى شعراً؟؟
فعلاً سألت عشان أعرف ما عشان أنتقد وأهاجم ..وللعمعلومية فانا قلت ليها الكلمات في عضمها جميل..
وعشان أوفر عليك الانا قاصدو فأهو شوف حاول أقرا كلامي التحت ده وأديني رأيك في إنو هل يمكن أن نسميهو خواطر مبعثرة ؟؟؟
القاكي وين!يا روعة الفجر المسالم و رقة الهمس الحنون أنا بي حنينك عاد الي حس الفرح و نبض القوافي وعدت اشعر من جديد طعم الحياة القاكي وين؟! يا رايعة ذي طيبة أهلنا وأبية ذي نيلنا الصمد وكت المطر الجاي بعد الحول عكّر مواويل الشوارع والمدن أنا بيكي ماليني السرور يا عسل فرح المداين الغارقة في حيرة الفيوض يا للحديث المانتهى يا للكلام المانحكى يا للقاء المحتمل ومستحيل القاكي وين؟! يا نفحة الأمل المفرهد يملا الحواري طيوب بتنادي في ريدي؟! البدا بيكي لمن جيتي لي شايلة الغناوي السامية بي لي فجة فوق جوا السما الضواية في ساعة السكون رجعتي لعيوني السهاد زملتي شوقي الأمنيات أنا لو أقبل راحتيك وإنفعل بي ضجة في لحظة سكات ويتكلم الحسن البديع ما بين عيونك والودر القاكي لما الليل يجن وانوارك البتصب نسايم نافحة من عصب الغنى البيواري في جواهو آهة بتحكي ويلات الهجيع وأشواقك الوضاحة ترسم في المغارب حسنها المكتوم أواصر مدهشة بغيمة الشفق الوليف أحبك أريدك وأشتهيك بدراً بيونس روحي بي حلو الكلام وأنا عمري ما عرفت الرحيل او مرة ساورني القلق في رحلة الوله الظليل صحيتي فيني الأغنيات ومعاك بيتحقق أمل بكرة وأنسى في عينيك باريح المقيل يا سمحة منك ببتدي الريد من جديد والقاكي في خاطري الشعاع المضوي في لحظاتي الجميلة مع الأصيل لا بينا يبقى المستحيل لا ينهزم ريدنا الجزيل وأفضل أحبك ذي زمان يا أحلى أشواقي الندية في رحلة السفر الطويل ..
|
|
  
|
|
|
|
|
| العنوان |
الكاتب |
Date |
| براااحة علي.... | Safa Fagiri | 08-05-13, 09:18 PM |
 Re: براااحة علي.... | Safa Fagiri | 08-08-13, 11:31 PM |
| Re: براااحة علي.... | Safa Fagiri | 08-11-13, 05:43 AM |
| Re: براااحة علي.... | Safa Fagiri | 08-11-13, 11:21 AM |
| Re: براااحة علي.... | سامر صلاح نور الدين | 08-11-13, 11:48 AM |
 Re: براااحة علي.... | Safa Fagiri | 08-12-13, 09:19 AM |
 Re: براااحة علي.... | إدريس محمد إبراهيم | 08-12-13, 09:39 AM |
| Re: براااحة علي.... | Safa Fagiri | 08-13-13, 12:08 PM |
 Re: براااحة علي.... | هويدا شرف الدين | 08-13-13, 12:43 PM |
| Re: براااحة علي.... | عمر الفاروق | 08-13-13, 02:13 PM |
| Re: براااحة علي.... | Safa Fagiri | 08-13-13, 08:49 PM |
 Re: براااحة علي.... | إدريس محمد إبراهيم | 08-15-13, 11:05 AM |
| Re: براااحة علي.... | Safa Fagiri | 08-18-13, 00:15 AM |
| Re: براااحة علي.... | عبدالعزيز عثمان | 08-18-13, 07:28 AM |
| Re: براااحة علي.... | عمر الفاروق | 08-18-13, 08:57 AM |
| Re: براااحة علي.... | إدريس محمد إبراهيم | 08-18-13, 10:35 AM |
| Re: براااحة علي.... | Safa Fagiri | 08-22-13, 09:40 PM |
| Re: براااحة علي.... | Safa Fagiri | 08-21-13, 04:02 AM |
| Re: براااحة علي.... | Safa Fagiri | 08-20-13, 02:48 AM |
| Re: براااحة علي.... | Safa Fagiri | 08-20-13, 01:57 PM |
| Re: براااحة علي.... | Safa Fagiri | 09-01-13, 02:51 AM |
|
| |
عمر الفاروق
فيس بوك
تويتر
انستقرام
يوتيوب
بنتيريست