|
Re: براااحة علي.... (Re: Safa Fagiri)
|
عمر الفاروق ... كل سنه وأنت طيب ياخ ....
Quote: الأخت صفاء .. تحياتي وعيدك مبارك.. سؤال : هل ده شعر أم نثر ؟ هل هي خاطرة أم قصيدة ؟ صراحة الطريقة العمودية المكتوب بيها الكلام حاولت أقراهو في شكل قصيدة أبا يظبط معاي .. قمت حاولت الصق الكلام مع بعض في سطور برضو ما لفق معاي ..مع إنو العبارات المنتقاة في روووحا كده وبي صورة فردية عبارات جميلة .. [/QUOTE
لو بتعرف يا عمر إنت سويت شنو في لزوله دي بي سطرينك البي فوق ديل أكيد كنت وفرتهم عليك .... ما معقول يا عمر تختزل تجربة إنسانة شاعرة بأكملها في سطرين تقرر فيهم إن ما تكتبه ليس شعراً ....معقوله ياخ .... ما رأيك في قصائد النثر إذن ..... تعرف يا عمر وحأكون صريح معاك في نوع من البشر عامل نفسو ناقش كل حاجه ومتبحر في شتى العلوم .... معليش يا عمر تعليقاتك في كرة القدم والرياضه مشيناها ...وجيت على الفن والفنانين ودايماً تبدي رأيك المشاتر ما عارف من باب خالف تذكر ولا أصلاً هي قناعة ضاربه جذورها في أعماقك .... وقلنا معليش .... وقالوا مره مسكت المايك وغنيت عديييل ي أحد لمات بورداب الرياض ...الأنا ما حضرتها عشان أقدر أحكم عليك ..... الناس لامن تجي تتكلم في الالكترونيات وبعض محاولات الناس في التخفي بأسماء مستعاره ولأساءة للآخرين عندك راي برضو .... وكمان جيت لحد الشعر ...ووصفت بكل بساطه أن هذه الصفاء لا تكتب شعراً ... بل مجرد كلام استعصى على جنابكم أن تضعه في أي خانه .... بالجد أمرك يحير يا عمر أخوي .... وحقيقة زكرتني ببعض الناس لو تكلم عالم في علم الفلك أو آخر في الخلايا الجزعيه مثلاً لرأيت له رأي ... مجرد رأي يا عمر حتى لو كان لا يفقه في تلك العلوم ولا حتى أبجدياتها .....
وبعدين شوف صفاء .... رغم كلامك المؤثر جداً والجارح في حق ما كتبت ردت عليك بقصيده تخاطب بيها الوطن الحبيبه .....يا ريت لو تقراها يا عمر بتأن وتمعن ...يمكن تلقى فيها حاجه تعجبك ....
Quote:
القاكي وين! يا روعة الفجر المسالم و رقة الهمس الحنون أنا بي حنينك عاد الي حس الفرح و نبض القوافي وعدت اشعر من جديد طعم الحياة القاكي وين؟! يا رايعة ذي طيبة أهلنا وأبية ذي نيلنا الصمد وكت المطر الجاي بعد الحول عكّر مواويل الشوارع والمدن أنا بيكي ماليني السرور يا عسل فرح المداين الغارقة في حيرة الفيوض يا للحديث المانتهى يا للكلام المانحكى يا للقاء المحتمل ومستحيل القاكي وين؟! يا نفحة الأمل المفرهد يملا الحواري طيوب
بتنادي في ريدي؟! البدا بيكي لمن جيتي لي شايلة الغناوي السامية بي لي فجة فوق جوا السما الضواية في ساعة السكون رجعتي لعيوني السهاد زملتي شوقي الأمنيات أنا لو أقبل راحتيك وإنفعل بي ضجة في لحظة سكات ويتكلم الحسن البديع ما بين عيونك والودر القاكي لما الليل يجن وانوارك البتصب نسايم نافحة من عصب الغنى البيواري في جواهو آهة بتحكي ويلات الهجيع وأشواقك الوضاحة ترسم في المغارب حسنها المكتوم أواصر مدهشة بغيمة الشفق الوليف أحبك أريدك وأشتهيك بدراً بيونس روحي بي حلو الكلام وأنا عمري ما عرفت الرحيل او مرة ساورني القلق في رحلة الوله الظليل صحيتي فيني الأغنيات ومعاك بيتحقق أمل بكرة وأنسى في عينيك تباريح المقيل يا سمحة منك ببتدي الريد من جديد والقاكي في خاطري الشعاع المضوي في لحظاتي الجميلة مع الأصيل لا بينا يبقى المستحيل لا ينهزم ريدنا الجزيل وأفضل أحبك ذي زمان يا أحلى أشواقي الندية في رحلة السفر الطويل |
ختاماً ...أخي الحبيب عمر....هوينك يا رجل فبعض المجامله لا تضير ..... والرأي المخالف ما دايما بيكون هو الصحيح ..... ...
لك أخي الحبيب من الحب ما تعلم وفائق التقدير والاحترام ؛؛؛؛؛
|
|
|
|
|
|
|
العنوان |
الكاتب |
Date |
براااحة علي.... | Safa Fagiri | 08-05-13, 09:18 PM |
Re: براااحة علي.... | Safa Fagiri | 08-08-13, 11:31 PM |
Re: براااحة علي.... | Safa Fagiri | 08-11-13, 05:43 AM |
Re: براااحة علي.... | Safa Fagiri | 08-11-13, 11:21 AM |
Re: براااحة علي.... | سامر صلاح نور الدين | 08-11-13, 11:48 AM |
Re: براااحة علي.... | Safa Fagiri | 08-12-13, 09:19 AM |
Re: براااحة علي.... | إدريس محمد إبراهيم | 08-12-13, 09:39 AM |
Re: براااحة علي.... | Safa Fagiri | 08-13-13, 12:08 PM |
Re: براااحة علي.... | هويدا شرف الدين | 08-13-13, 12:43 PM |
Re: براااحة علي.... | عمر الفاروق | 08-13-13, 02:13 PM |
Re: براااحة علي.... | Safa Fagiri | 08-13-13, 08:49 PM |
Re: براااحة علي.... | إدريس محمد إبراهيم | 08-15-13, 11:05 AM |
Re: براااحة علي.... | Safa Fagiri | 08-18-13, 00:15 AM |
Re: براااحة علي.... | عبدالعزيز عثمان | 08-18-13, 07:28 AM |
Re: براااحة علي.... | عمر الفاروق | 08-18-13, 08:57 AM |
Re: براااحة علي.... | إدريس محمد إبراهيم | 08-18-13, 10:35 AM |
Re: براااحة علي.... | Safa Fagiri | 08-22-13, 09:40 PM |
Re: براااحة علي.... | Safa Fagiri | 08-21-13, 04:02 AM |
Re: براااحة علي.... | Safa Fagiri | 08-20-13, 02:48 AM |
Re: براااحة علي.... | Safa Fagiri | 08-20-13, 01:57 PM |
Re: براااحة علي.... | Safa Fagiri | 09-01-13, 02:51 AM |
|
|