إستراتيجية جديدة للعلمانيين

B] Dear Senior Administrator for Accreditation‎‏ Mrs Nana Fathi Kashif Best greetings

نانا يا نانا
ما لخبتي كيماننا
بي جد وبي أمانة
ما نقشت معنانا
مين قال ليك إني معاكم في بني علمانا
قبل 1434 سنة مش كان في سيل؟
قولي بي أمانة
وكان بقابلوه بي حوالينا ولا علينا
بالدعا والصلاة والعافية في دينا
بعدين تعالي مين قال ليك شغالين نحن بي سياسة؛
الله أدانا
هنا ناس فكر نتناقش في بلانا
ناس اتّلحونا
لا خلوها دانة
ولا ديك فلتكانة
واقفين مع ناساً يوت في عدانا
خرّبوا للبلاد من أقصى المغرب للمشرق اللي معانا
-

كلامك دا محله في السيل اللي جانا
بوستات كتيرة بنتي؛
هنا دا ما معانا
وشوفيلك قريشات لي دعم الإعانة
للناس الغلابة المكلومة ف حنانا
بدل ما تطرقعي كدا ساكت معانا
-
أما التناقض مع بني علمان
دا شي ظاهر؛ بس محتاج إدانة
أما العقل فالفهم قسم
ونحن راضين بقسمتنا اللي جاتنا
وقالوا القلم
ما بزيل بلم
وكان قاصدة ديك ناس الحكم
امشي عليهم بي دا الفهم
والله يقدّرك على ناس الحكم
نحن السياسة مكّجننها لي درجة نطم
من النظام العالمي لين الناس الصوملم
فامشي عليهم هم
أصلنا ما بنهضم الكضب حتى لو نصم
-
بس في سؤال؛
إنت بالجد علمانية؟
واللا بس ساي الكلام بالنية
وشالتك الهاشمية
لو كدا خليك قريبة لي كلام في الإستراتيجية
ورأيك شنو في استرتيجيتهم البينية
الباينة والمتغطية
وساهمي معانا بي جدية
وما تشتّتي الكور زندية
-
أها لو ما علمانية مالك شابكة؟
زي واحد صاحبنا
(قبل 1434 سنة) السنوات الكتيرة كانت كافية تخلي الكافر ذاته يسلم
وفي ناس لسع ناقصين فهم
وثقافتهم ما بتقول بغم
الغريبة قالوا ملحد
والله لو عارفه ملحد
ما كنت دفقت الحبر دا كله في أكتر من بوست؛
المهم أتمنى من الله يهديه ويهدينا
وكل اللي زيّه
ونحن في آخر يوم من شهر الصيام والقيام ( آمين)

ومشكورة مرورك
وليك منا العيدية
وكل عام وإنت وكل المسلمين في خير وخيرية

وقد أعود لبعض ما خطّه يراعك
أشكر لك