|
|
 Re: كرشوم.. يحي رفض أهل كردفان الحرب بالوكالة لصالح نظام الإبادة .. (Re: Kabar)
|
الباقر موسى.. و هجو مختار.. حبابكم
ما ياهو الناس الرافضة لحرب الوكالة نيابة عن الحكومة.. كل يوم انتو قايمين فيهم سداري.. مرة تطلعوهم بتاعين انتباهة..و مرة اشتراهم المؤتمر الوطني..و مرة جهويين..و مرة بتاعين قبائل .. الليلة الجديد شنو يعني؟..
رأيكم شنو بالتحديد في مخاطبات الحركة الشعبية على مستويات عالية (الحلو و كرشوم) لناس القبائل ووضع في الإعتبار موقفهم الرافض للقتال مع الحكومة ضد الجبهة الثورية؟..ولا ح تستمروا ، انتم و الأخرون في استعداء المساكين لمن يبقى ليكم بمبي..!!
ليه اصدقاء الجبهة الثورية و مؤيديها و عضويتها.. لمن تكون بوستات شتائم و شمارات و استعداء هائف.. تلقاهم الأعمى شايل المكسر..و لمن تبقى بوستات الأمور الحقيقية الممكن تبني فهم ماشي لي قدام .. بيكونوا كل واحد عامل رايح؟..و اهو يا الباقر المنبر قدامك.. الناس عشان المديدة حرقتني و الفتنة.. ممكن تلقى الواحد فيهم مستعد يساهم بعشرات المداخلات.. لكن لمن تبقى الأمور الجدجد.. يمارسوا عليها صمت التواطؤ.. و من عجب برضك دايرين الناس تدعم فكرة اسقاط النظام.. يا ترى ديل ناس جادين يا الباقر ممكن الناس تملأ بيهم اياديها؟.. عرفت ليه نحن طوالي حردانين و زعلانين.. لأن نخبة الإستنارة غير جادة بالمرة..و فهمنا من زمان البتحزم بنخبة ز يدي قاعد ميــــــطي..!!
تشكرك على نقل كلام ادم كرشوم..و ح يموت مثل كلام الحلو الذي نقلته اختنا احسان عبد العزيز.. من باب الشو ساكت..
كبر
|
|
  
|
|
|
|
|
| |
Kabar
فيس بوك
تويتر
انستقرام
يوتيوب
بنتيريست