|
خبر وذكرى حزينة
|
فى صباح يوم جمعة حزين ودة كاان قبل شهرين اتصل ابوى وماقدر يقول لى كلمتين اتلعسم ارتبك وانا فى سرى قلت البقولو القلب ماتشوفو العين تانى اتصل وماقدر وعاود مرتين شال التلفون منو مختار وقال لى بى نبرة وصوتو حزين الدوام لله امك ماتت يازول ياحنين نزلت من عيونى دمعتين ام احمد قال لى مالك مايكونو قالو لك خبرا شين وقمت اتوضيت وصليت ركعتين وجابى صبر ومعاهو يقين وساعتا اتذكر كل حاجاتا وصبرا وكفاحا من زمن شايلانى فى الايدين وبديت افكر عاد الواحد يقبل وين وانا البعيد وغريب وسط ناسن لايعرفو قدر الوالدين ومافى زولا شاركنى الاحزان وبى الفى قليبى وحلقى ماهم حاسين بدا الاهل والصحاب يعاتفونى ولى معزين ولى ظروفى ماقدر اقوم فى الحين وقضيت عشرة ايام ومشيت ولسة الحزن فينى دفين تمر ذكراك وماعندى غير ادعو لك انشاء الله تكونى من اصحاب اليمين
|
|
|
|
|
|