معتز صباحي ، المطرب المفترى عليه

Quote: امير ...دي نفس المكنة الفكوها على الحوت الموسم القبل الفات لما صوتو فرق في اغاني اغاني ... وبعدين ياخي هو شنو هو دا برنامج تلفزيوني والا مصحة نفسية ... ما بلاش من اساسو لانو الناس زاتا منفسنة وما نلقصة اي اسقاطات تلزمو انو يسمع من اجل (انسانية) لانو السمع دا بالذات اذواق معتز لما كان في السعودية وفي بداياتو كان مميز وكونو بشتن على الناس محفوظاتم بفرض اسلوبو في مره مرتين (ارجو ان تكون كبوة) لا ينفي كونو ليهو غناهو الخاص الجيد ومعجبين كثيرين .. بس ظهورو في اغاني اغاني كان غلط كبير وبعدين يا هارون الشتارة ما في معتز براهو طه ما على قدر كدا ... معاذ دا مفروض يشوف ليهو شغلة تانية غير الغنا لانو القصة ما وراثة فنانين الفكة العلى الشمال بما فيهم فهيمة احرقم بي جاز لانهم نسخ مشوهة من اولاد الصادق وسميرة دنيا السر قدور نفسو ...محتاج لافتة (تغيير النظام) لا والاسوأ من كدا القناة زاتا بين كل نص غنية دعايات العدس والفناطيز والبساكيت وزيوت المكنة ما تديك الدرب غايتو محن ... ما يجي زول ناطي يقول لي غير القناة ... لاني فعلت من يوم بشتنة (اغرب رسايل) وما بمر الا اضحك على الغنا للفناطيس والعدس وزيت الفول ..ولما يكون في سعد الدين بحتل لانو الحسنة الوحيدة في القناة