|
رمــضــــــــــــــــــــــــــــــــــــــــان ..!!
|
ياخ رمضان كريم وتصوموا وتفطروا على خير ..وربنا يبلغنا رمضان هذا العام والعام القادم وأعوام عدييييدة ,, عندي رغبة في إعادة فتح بوست رمضان اللي بيتكرر كل سنة ده ..مع إنو السرد فيهو ح يكون مكرر ومعاد لكن بتسمتع جداً بذكريات وطقوس رمضان .. بداية بالتجهيزات ..مروراً بي الجرسة اثناء الصوم ..ختاماً بي صينية الفطور .. البوست ده لو أمكن عايز أييي زول يجي يحكي لي فيهو عن رمضان من زاويتو وشوفو .. رمضان زماااااان. وده حق ناس صديق الموج .ثم رمضان زمان وده حق ناس ياسر منصور ..ورمضان أسة وده حقنا نحن وناس وليد واساسي..:) ما عارف الأجواء الحالية والأيامات دي تحديداً في السودان كيف لكن يبدو لي إنو رمضان في السودان بقت الناس تتفاجأ بيهو قبل يومين ..ومعظم الناس بتعرف إنو رمضان جا فقط لمن تسمع إنو هيئة العلماء تجتمع الان لتحري الرؤيا ..وطبعاً نحن في السودان عندنا ما إسمها تحري الرؤيا ..إسمها تحري القنوات الفضائية السعودية .. بيجيني إحساس إنو مجمع الفقه الإسلامي وهيئة علماء السودان بتقوم تدي أيي زول ريموت وتقول ليهو خش الأوضة دييك قلّب في القنوات وشوف لينا السعودية قالت رمضان بتين .. عبد الحي إنت خليك مع قنوات MBC .. الكاروري انت تابع لينا السعودية 1 والسعودية 2 .. شيخ محمد الأمين إنت ركّز مع قناة العربية والجزيرة .. رمضان الزمان يعرف كل السودان قدومه قبل شهرين تلاتة بي توزيع رقاع الدعوة لمن يدق ليكم الشافع الباب ويقول ليكم حبوبة علوية قالت ليكم بكرة العواسة عندهم وقالت لينا نكلمكم تجو تعوسو معاهم.. رمضان زمان يثبت بي إستنشاق عبير الابري وانت مروراً بي أييي شارع وانت نازل من المواصلات في هجير الساعة 2 ونص ظ هرا وشايل ليك (بتيخة) في كتفك وجريدة تغطي بيها عين الشمس في طريق عودتك و موسيقى عالم الرياضة تغطي الأسواق والبيوت والشوارع.. صاجات العواسة معروفة عند ناس فلانة وفلانة وفلانة فقط ..وعليه فلااازم العواسة تكون مبرمجة بي تواريخ محددة .. الطواحين معروفة طاحونة فلان وفلان وعليه فلااازم تكون عارف بتين ح تبدا الزرّيعة حقتك .. أول طرقة آبري بتطلع بيتعمل بيها السامبل وكأنو دع البروتوتايب بتاع المنتج الجديد ..يمشوا يبلّوها سريع عشان الناس تشرب وتشوف الخلطة كانت كيف.. ويا سلااام على الآبري في أيام الفطر قبل وبعد رمضان .. تكمن متعة شراب الابري حكمة الله في غير الأيام اللي من أجلو إتعمل الآبري.. كوز ألمونيوم بااااارد تختو في الفريزر أو تكسر ليك قالب تلج مكعبات كده بعد ما تكون قديت التلاجة وإنت بتناتل في كورة أو حلّة التلج بي السكين عشان تزح النشادر اللي حولها .. حكمة الله وبعد مداولات وتجارب وضواقات تبدا التعليقات همساً بين النسوان : النصيييحة الابري بتاع بت المنى سممممح.. الععين بتاع السرّة ما كويس..تعّبنا في العواسة.. الآبري بتاع علوية بهاراتو كتيييرة ... حاجة التومة عوّاسة شديييد وبتقلب ليك الطرقة دي زي العجب.. ينفض سامر النسوان بعد قضاء يوم جميييل في بيت العواسة من صباح الرحمن لحدي المغرب ..ومع اخر كشحة باقة حقت غسيل العدا بي تفل شايها وبصلها وجرجيرها وعضامها وليمونها قدام خشم الباب يسدل الستار و يغلق ملف آبري ناس حبوبة الروضة ويفتح ملف عواسة ناس نفيسة بكرة الصبااااح ما تنسو...
ويبدا رمضان ... وما أدراك ما أول يوم في رمضان ..
To Be Continued (إنجليزي ده يا مرسي ؟)
|
|
|
|
|
|
|
العنوان |
الكاتب |
Date |
رمــضــــــــــــــــــــــــــــــــــــــــان ..!! | عمر الفاروق | 07-06-13, 12:14 PM |
Re: رمــضــــــــــــــــــــــــــــــــــــــــان ..!! | كمال سالم | 07-06-13, 01:16 PM |
Re: رمــضــــــــــــــــــــــــــــــــــــــــان ..!! | عمر الفاروق | 07-06-13, 01:24 PM |
Re: رمــضــــــــــــــــــــــــــــــــــــــــان ..!! | امير طمبل | 07-06-13, 01:35 PM |
Re: رمــضــــــــــــــــــــــــــــــــــــــــان ..!! | ياسر منصور عثمان | 07-06-13, 01:40 PM |
Re: رمــضــــــــــــــــــــــــــــــــــــــــان ..!! | omer osman | 07-06-13, 01:50 PM |
Re: رمــضــــــــــــــــــــــــــــــــــــــــان ..!! | كمال سالم | 07-06-13, 03:00 PM |
Re: رمــضــــــــــــــــــــــــــــــــــــــــان ..!! | كمال سالم | 07-06-13, 03:45 PM |
Re: رمــضــــــــــــــــــــــــــــــــــــــــان ..!! | Ahmed musa | 07-06-13, 04:03 PM |
Re: رمــضــــــــــــــــــــــــــــــــــــــــان ..!! | Mortada Adam | 07-06-13, 04:17 PM |
Re: رمــضــــــــــــــــــــــــــــــــــــــــان ..!! | عمر الفاروق | 07-07-13, 07:20 AM |
Re: رمــضــــــــــــــــــــــــــــــــــــــــان ..!! | عمر الفاروق | 07-07-13, 07:28 AM |
Re: رمــضــــــــــــــــــــــــــــــــــــــــان ..!! | عمر الفاروق | 07-07-13, 07:47 AM |
Re: رمــضــــــــــــــــــــــــــــــــــــــــان ..!! | جمال المنصوري | 07-07-13, 08:49 AM |
Re: رمــضــــــــــــــــــــــــــــــــــــــــان ..!! | داليا حافظ | 07-07-13, 08:59 AM |
Re: رمــضــــــــــــــــــــــــــــــــــــــــان ..!! | محمد مجيدو | 07-07-13, 09:21 AM |
Re: رمــضــــــــــــــــــــــــــــــــــــــــان ..!! | عمر الفاروق | 07-07-13, 09:31 AM |
Re: رمــضــــــــــــــــــــــــــــــــــــــــان ..!! | اميرة السيد | 07-08-13, 00:00 AM |
Re: رمــضــــــــــــــــــــــــــــــــــــــــان ..!! | السر جميل | 07-08-13, 02:22 AM |
Re: رمــضــــــــــــــــــــــــــــــــــــــــان ..!! | الخير محمد عوض | 07-08-13, 06:16 AM |
Re: رمــضــــــــــــــــــــــــــــــــــــــــان ..!! | عمر الفاروق | 07-08-13, 07:09 AM |
Re: رمــضــــــــــــــــــــــــــــــــــــــــان ..!! | ياسر منصور عثمان | 07-08-13, 07:16 AM |
Re: رمــضــــــــــــــــــــــــــــــــــــــــان ..!! | فيصل نوبي | 07-08-13, 09:50 AM |
|
|
|