|
Re: مقترحات عملية لحل أزمة السد (Re: السر جميل)
|
يا السر
Quote: فقط اريدك أن لا تستبعد دولة الجنوب من هذا الحل ...هي الأخــري تطالب بنصيبها على صعيد آخر... |
ذكرتني مرات كثيرة بفكر في السودان السودان الوطن الواحد حكاية جنوب وشمال لسه ما وقعت لي Denial وكده
البيننا والجنوب موية وأكثر كثير بترول ومرعي وتجارة وحركة سكان ... ألخ ولو صفي الزمان وعادوا الناس أخوان وحبان ممكن تتعمل قناة جونقلي وشوية مشاريع حصاد مياه تانية بتغطي فرقة كثيرة في حال نقص المياه
Quote: السودان يساهم بالارض واثيوبيا بالكهرباء ومصر ليس بالخبراء وإنماء برأس المال "التشغيل" أعتقد جميع الدول لديها خبراء على مستوي رفيع وكفاءات قادرة على تشغيل هذه المشاريع دون تفضيل دولة على أخــري... |
ما بقدر أممن علي الكلام دا أمسك عندك صناعة النسيج كان عندنا كم مصنع كلها برا الخدمة هسع ونصيب إثيوبيا قليل ولسه نامي لكن مصر عندها ما شاء الله صناعة غزل ونسيج وخياطة ملابس متطورة جدا وقديمة وتساهم بنسبة معتبرة في صادرات مصر ودخلها القومي فدي حتة بتاع تعاون محترمة جدا النسيج صناعة تحتاج لعمالة كثيرة (كثيفة العمالة) وهي الحمد لله متوفرة بكثرة في السودان وإثيوبيا والخبرة فيها ضرورية بالطبع والمصريين عندهم وزيادة
وعندك تعليب الأغذية نصيبنا منها مصنعين تلاثة مما قاموا فيهم مشاكل ولكن مصر فيها صناعة تعليب قديمة وقوية وصناعة الألبان ومنتجاتها قوية في مصر وضعيفة عندنا والحبشة
Quote: هل في هذه الحالة نحن بحاجة إلي إعادة تقسيم جديد للمياه ما بين مصر والسودان والجنوب "إتفاقية جديدة"؟ هل تكون إتفاقية 1959م هي الأساس ؟ |
بالطبع حان الاوان لإتفاقية جديدة تستوعب كل هذه المتغيرات وتنظر للمستقبل
حسابات السلفة بتاعة الموية بتتعمل كيف وهي ذاتها سلفة عشان ترجع ولا هبة في شكل سلفة لسه دايرة كلام كثير ولسه لازمانا كمية قرايات في هذا الموضوع
وواضح أننا لم نستهلك ولا نستهلك كل نصيبنا من المياه كما هو في إتفاقية مياه النيل لسنة 1959 لكن إن لا تصل مياه النيل للعطشي في الشرق والغرب فدا عجز وقلة حيلة وضيق نظر مش إستجابة لإتفاقية مياه النيل
النخبة الحاكمة في السودان (وبالتحديد القاطع النخبة النيلية) ممكن تعمل خط أنابيب بترول من آخر نقطة في السودان ولحدي موانئ التصدير في البحر الأحمر لكن تقول ليهم نمد أنابيب مياه للأبيض ولا بورتسودان يحدروا ليك كأنك قلت بالكفر
الله يهديهم ويوسع مواعين النظر
|
|
![Edit](https://sudaneseonline.com/db/icon_edit.gif)
|
|
|
|
|
|
|