|
|
 Re: دعوة لتدخل رئاسة الجمهورية لمعالجة قضية السودانيين بالسعودية (Re: عبد الوهاب المليك)
|
| Quote: الأخوة د/ كرار ود/ كرم الله كانوا مغتربين وهم على قمة الهرم فكان هم الأولى بالتحرك منذ الوهلة الأولى وبالتأكيد لديهم الفكرة الكاملة عن ماذا يعني تصحيح الأوضاع ؟؟ |
إذا كان كلام د. مصطفى عثمان و لا الكلام المقتبس فوق ده! كله ما مفهوم... شنو المطلوب بالضبط
(تصحيح أوضاع) يعني فيما يعني الآتي..
1- ناس دخلت البلد بطرق غير شرعية تهريب يعني و ما عندها اقامة نظامية
2- ناس دخلت نظاميا لكن فترة اقامتها انتهت و أصبحوا غير نظاميين يعني عمرة و لا حج و لا زيارة
3- ناس جات على صاحب عمل محدد (كفيل) و شغالة عند صاحب عمل آخر
4- ناس جات على صاحب عمل (كفيل) و شغالة لحسابها الخاص
دي أمثلة لبعض الأوضاع المطلوب تصحيحها...!
إذا كان د. مصطفى و لا الأخ عبد الوهاب المليك .. ممكن يفيدونا رئاسة الجمهورية و لا جهاز المغتربين يتدخلوا عشان يعملوا شنو؟
- يجو السعودية يفتشوا للناس ديل شغل و كفيل صاحب عمل؟
- يجو السعودية يعملوا اقامات نظامية للما عندهم اقامات
- أسر و عوائل دخلوا زيارة و انتهت زيارتهم من سنين و ولدو و خلفوا و أولادهم فاتوا مرحلة المدارس و ما دخلوا مدارس عشان حكاية الاقامة!
غايتو! المخارجة بس ! بدل التلتلة في السجون بعدين.. الحكومة تجهز ليها عدد من البواخر تنقل بيها الناس للبلد! طبعا طيران دي ما منظورة
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست