نعم صديقتاذنا حيدر ابو القاسم .. لم يعد السكوت ممكناً

Quote: اسا لو مجنون كوريا الشمالية دا اشعل حرب نووية وردوا عليهو الامريكان الاكثر جنونا ؛ حتتحطم حضارتنا ويمكن اغلب البشرية تنقرض ترتد البقية لعصور بدائية سحيقة ؛ وتبدأ مسيرة العلم من الاول؛ من اكتشاف النار؛ ويجي زول في القرن الاربعين او الخمسين ويلقا ايباد من القرن العشرين ويستغرب كيف الناس ديل كان عندهم جهاز زي دا ؛ ويجي واحد زي محسن يقول النبي قيقراوي كان عندو ايباد بيقرا بيهو كتب المعهد وبيريح بيهو ناس البيت وكان عندو انترنت متعب بيهو خلق الله؛ يجي واحد زيك يسخر من امكانية انو البشر المتخلفين ديك كان عندهم جهاز متقدم زي الايباد ولا كان عندهم انترنت في القرن 21.. شوية خيال ما عندكم ؟؟ هوليود عملت افلام كتيرة من هذا النمط من بينها (Waterworld) بتاع كيفن كوستنر والفكرة ممكنة جدا ؛ اعنى فكرة تدمير حضارات متقدمة ورجوع الانسان بعد التدمير لاسفل سافلين الجهل.. اها قارة أو جزيرة اطلانتس (اتلانتيكا) المنقرضة قالوا وصلت مراحل متفدمة جدا من العلم؛ بيكون كان عندهم ايبادات ولا لا ؟؟