Quote: الأخ عبد الناصر.. هل. (أبوكرشـــولا) هي (نقـفــة) الجبهة الثورية..!؟ .
القصة للعارف تفاصيلة قريبة في جزء من تفاصيلة الدرك الفاششتاوي يا هو الدرك وبنعين لى في غربتنا ومقاعدنا الوثيرة ..... وطيرنوا ليل نهار على قفا أهلنا .......
يبقي عنصر مهم ناقص في القصة عشان السيرة تتطابق نكون بنفس غضب التجراى (( الحبش )) الخلى جيش الدرك يقيم بعيد عن مدنهم وما يدخله إلا في حملات تفتيش ... ونسوانهم يكتحوا السرويت/ العساكر بالشطه في عيونهم حتى لو العسكرى حيتهود ويرد بالرصاص ...
ياخي السيرة قالت الحبش ديل لما بدو المسير لاديس كان معظم أهلهم البرة إثيوبيا بيجوا من كل انحاء العالم عشان يحاربوا مع أهلهم ضد الدرك ... والقادر يحارب وما طلع السّبه حتبراهوا لجنه الجنا .... حاربوا رجال ونسوان جلادهم ... لا قعدوا معاهوا ولا فاوضوهوا يومهم القالوا لى جينك طلعوا كلهم وكل حشودوا الاقتهم في الطريق حولوها أكوام خردة محترفة وهم في تخوم اديس كان الاسري من الجيش الإثيوبي ألوف سيقنهم قدامهم
نقفة أطول الملاحم وكانت هدف لكتير من حملات الدرك لسنوات طويلة برضها سيرة لصمود ما عادي ويمكن ده السبب لما أرتريا غيرت من البر اختارت لاسم عملته نقفة ....
** وما عندي إجابة لانو أجزاء كتيرة في القصتين مختلفة ويمكن الدرك العندنا أكثر حظا ويمكن يفقد حظوا ده لانوا أكيد الناس الكان بضربهم بطيرانوا وبقتل فيهم لسنوات بقي عندهم من الغضب ما يكفي أنو يشوفوا خلاصهم في القضاء عليهوا ......
ويمكن انا مامؤهل أنّظر في الحته دي مدام بعيد وما شايل بندقيتي وبحارب
*أكيد راجع أعلق على مداخلة العزيز /أدم عمر الخصاني بيها عبر الفيسبوك
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة