|
Re: سيرة مدينة :بيوت الحكومة زمان.. (Re: adil amin)
|
Quote: شكرا ياعادل فلقد تربينا فى بيوت الحكومة ، فى السكة الحديد ، قبل ايام كنت اتحدث الى شقيقتى واشرت الى ذلك البيت قالت "ابوى كان بحب شغله لانه متوفرة ليهو كل الامكانيات ، كان بيلبس من هدوم الحكومة وبسكن فى بيت الحكومة عشان كدا كان بحب شغله وبحب البلد لانها وفرت ليهو انسانية لامحدودة "، حتى الخدمة المدنية تناثرت شظايا فى ظل هذا النظام الفاسق ، ضاعت السكة الحديد وانتهت وزارة الاشغال والتربية والتعليم والمواصلات ، والهيئة القومية للكهرباء والمياه ، والنقل النهرى ، والبريد والبرق ، والخدمة المدنية باتت امرا يدعو للرثاء ، والبلد بحالها تمت ازالة اجمل ما كان يميزها |
شكرا يا سلمى الشيخ سلامة الاخوان المسلمين= الفوضى الخلاقة..وعملونا حقل تجارب عشان يعاد تدويرهم عربيا الان...وشوفي مصر حاصل فيها شنو ما قدرو يتحملوهم سنة من الاخونة بس ونحن مدروين بينا من 1964 بدات الانقا ذ باحالة 76000 موظف سوداني وعامل ومهندس وطبيب و..وو,للصالح العام.(كتاب منصور خالد-تكاثر الزعازع وتناقص الاوتاد) .وهم كفاءات متجردة وطبيعية وسودانية 100% واستبدلتهم بالاخونة او التمكين ان ذاك وعندما انهار السودان كدولة جاء زعيمهم بتاع المؤتمر الشعبي المتحالف مع الحزب الشيوعي الان لاسقاط المؤتمر الوطني شيخ حسن الترابي يمارس التدليك الروحي ويردد لينا ان الامر ابتلاءات.. واحدة من اكبر جرائم الانقاذ المنكرة على الاطلاق مجزرة الفصل للصالح العام وطبعا الكوز البديل المتعنفص ما بسكن في بيت حكومة..ويسكن في بيتو الخاص..لذلك اضحت بيوت الحكومة يوعي فيها الطير... وبيوت الحكومة تشكل عقدة للكيزان -لانه من القطية عايز ينتقل فيلا بعد ما جابتو مجانية التعليم من الهامش للمركز وتكوزن بحمدالله.. وتوفيق من المولى وعلينا يدوم ومن ما جينا في الخرطوم دنانير كوم اكلنا المنقة والاناناس وخليناه كد الدوم .............................. في مدن في الهامش الثاني/الاقاليم نصها بيوت حكومة انهارت هذه المدن بانهيار المرافق الفيها عطبره/السكة الحديد كوستي/النقل النهري مدني/الري الابيض والقضارف/المحاصيل وصناعة الزيوت الدويم/التعليم العام -بخت الرضا وكسلا وخشم القربة وكده والحديث ذو شجون
|
|
|
|
|
|