ما الذي يمنع أو يقدح في كون (ملاسي) متحدثاً في ندوة !!!

Quote: يا ابابكر تحياتي تتعدد الاسباب والحالة التي تحدثت عنها يا ابابكر هي بعضا مما اتيت به هنا... فالغيرة والتعالي عندنا كذلك يتحول كل منهما الي حسادة...فانت تتحدث هنا عن مجانية المنابر في السودان مقارنة مع الوكر الصعب الذي تحدثت فيه شهر اربعة...وملاسي الا يشوفوا في اليوتيوب...!!!! فلو تأملت عبارة دي ستجد عقلك الباطن ساقك سوق...لي حتة التميز علي ملاسي واحقيتك لمايكرفونه الذي في دار حركة حق.... وعشان ما تتحسس: ههههههههه الحكاية دي انا زاتي معاكم فيها...منذ الصغر...اذا في شافع من الحلة ساكت عمل ليه زنبارة قصب رنانة تلاقي الشفع كلهم شايلين امواس وفصوص قصب...ليه (هو احسن مننا في شنو؟) يا ريت موضوعنا كان بقيف عند التنافس...لا بمشي ابعد لما وصلنا الابتدائية...بس قدر الله ما تجي الأول...طوالي يلصقوا ليك الاول دا عندو عشرة ايادي...(تقول القراية باليد!!) الموضوع دا كبير يا حبيب...وكل زول فينا عندو فيه شي....حتي لو نكر

و انا لازلت فى ريعان شبابي فعلاما احسده؟. على العكس انا اسعد حتى بابناء جيلي ممن يتحدثون فى الندوات الان خالد عمر يوسف و مصعب عمر و غيرهم، اشد من ازرهم و اسعد بهم. انا اصلا خارج السودان لظروف الدراسة. انا قصدى فى قصة الــ Free lunch انو ملاسي و بلال لقوها باردة و مجانية. منابر القوي الديمقراطية دي منابر مجللة بعبير الموقف الوطني الديمقراطي، و عندها قيمة معنوية فى نفوس الناس. هذه منابر لا يستحقها الا النساء و الرجال الواقفين على خط النار من أجل قضايا الشعب السوداني و حقوقه و هم كثر و حركة حق تعلمهم، اذا كانو من عناصر حق او عناصر القوي الوطنية الاخرى.