من ادخل الذئب في قن الدجاج؟!

Quote: سلام يا دكتورة .. الحكومة الفاسدة دي كانت على علم بالكارثة دي من البداية .. وحكاية انها تفاجأت بحجم الدمار او الكارثة الإنسانية الحاصلة في أبو كرشولا وغيرها من المناطق دا كلام اعلامي .. والثوار القال عليهم قاسم المهداوي هم في الأساس عصابة نهب مسلح .. المعروف انو الشخص البيقوم بي ثورة بيقوم بيها عشان المواطن يعيش في سلام .. لكن ديل قتلوا وحرقوا ونهبوا وما معروف الحاصل شنو في أبو كرشولا وما جاورا .. عصابات النهب المسلح تساوت مع الحكومة الفاسدة في الخرطوم .. يعني هو المواطن يلقاها من وين ولا من وين .. انا عندي جدتي تعيش في الأبيض من زمن طويل ورافضة انها تجي الخرطوم .. اخوي الكبير سافر الأبيض ولقى وضع البلد زي الفي حالة حرب .. الغلا ضرب الأبيض كلها والناس بقت تطلق الاشاعات .. وكل واحد يقول ليك قالو لي وسمعتا وحكو لي وقريت امس وووو .. اللهم من روع المواطنين فأنزل عليه بأسك الذي لا يرد ..