|
Re: عنايات والنفايات (Re: درديري كباشي)
|
- خلاص يا حاجة ادخلي جوة .. يلا يا بت يا عنايات ادخلي جوة مع أمك. -يا عم نفهم من كدا ما عايزين تدفعوا لينا حق النفايات ؟ -يا بني انتو ما تسموا الامور بمسمياتها . -تقصد شنو يا عم ؟ -يعني انتو لو عايزين تجمعوا جبايات ما تسموها لينا نفايات . -كيف يعني جبايات . -جبايات دي كان بيجمعوها المستعمرين والاتراك من اهلنا زمان .. -مقابل شنو ؟ -ما عندها اي مقابل بس مقابل انهم سمحوا ليك تعيش في الدنبا دي . -لكن نحن قعد نجمعها بمقابل . -مقابل شنو ؟ -مقابل النفايات .. -اللهم طولك يا روح ..ياخ اقول لك شئ امشي انت وتعال مع العربية الكبيرة بتاعة جمع النفايات وشيلوها وانا بدفع .. -يا عمنا العربية اكيد بتجي بس لكن حيكم دا لسع ما جاه الدور . -طيب نحن ندفع ليه ما دام ما جانا الدور .. -ما تدفعوا مقابل جمع النفايات .. -يا بني انت مبرمج على كدا ولا شنو. -اسمع يا عم .. اسم الكريم لو سمحت .. -عمك عثمان .. -طيب يا عم عثمان ..هسع انا مدني خارطة وحي ورقم البيوت ..كل البيوت الحولكم دي دفعت انا اكتب شنو مقابل بيتكم .. -ياخ اكتب عم عثمان قال لكم ما عندهم نفايات .. -لكن كدا راح يقطعوا منكم الموية . -والموية دخلها شنو بالنفايات .. -كدا الامور مربوطة ببعض ما تدفع حق النفايات نقطع منكم المويات . -طيب انتو ما كان تزيدوا قيمة النفايات دي لفاتورة الموية ..على الاقل الواحد يحس بانه بيدفع مقابل شئ . -ما زدناها لفاتورة الموية قبل كدا .. -طيب ليه جايين تطالبوا بيها تاني .. -ناس الموية سلبطوا فيها وقالوا مادام المواطن قبل يدفعها مقابل الموية ورضى يبقى كلها تبع ناس الموية وناس النفايات ما عندهم معانا شئ .. -يعني نحن اصلا دافعين حق النفايات مع الموية وانتوا عايزننا ندفعوا تاني .. -ايو بالظبط يا عم ما ديك كلها بقت حقة الموية.. بالمناسبة دي انا عطشت ما تجيب ليبنا موية .. -يا بت يا عنايات املي جك الموية لبتاع النفايات .. وانت يا بني وقفت كتير في الشمس ما تدخل تتفضل جوة تبرد. -فيك الخير يا عم
|
|
|
|
|
|
|
العنوان |
الكاتب |
Date |
عنايات والنفايات | درديري كباشي | 04-26-13, 09:47 AM |
Re: عنايات والنفايات | علي دفع الله | 04-26-13, 10:01 AM |
Re: عنايات والنفايات | درديري كباشي | 04-26-13, 10:39 AM |
Re: عنايات والنفايات | درديري كباشي | 04-26-13, 10:03 AM |
Re: عنايات والنفايات | بدر الدين اسحاق احمد | 04-26-13, 10:22 AM |
Re: عنايات والنفايات | درديري كباشي | 04-26-13, 10:41 AM |
Re: عنايات والنفايات | درديري كباشي | 04-26-13, 11:41 AM |
Re: عنايات والنفايات | درديري كباشي | 04-26-13, 12:18 PM |
Re: عنايات والنفايات | درديري كباشي | 04-26-13, 12:50 PM |
Re: عنايات والنفايات | أحمد محمد موسى | 04-26-13, 01:50 PM |
Re: عنايات والنفايات | درديري كباشي | 04-26-13, 02:10 PM |
Re: عنايات والنفايات | درديري كباشي | 04-26-13, 02:44 PM |
Re: عنايات والنفايات | درديري كباشي | 04-26-13, 02:58 PM |
Re: عنايات والنفايات | درديري كباشي | 04-26-13, 05:27 PM |
Re: عنايات والنفايات | درديري كباشي | 04-26-13, 07:43 PM |
Re: عنايات والنفايات | بدر الدين اسحاق احمد | 04-26-13, 10:25 PM |
Re: عنايات والنفايات | درديري كباشي | 04-27-13, 07:32 AM |
Re: عنايات والنفايات | درديري كباشي | 04-28-13, 09:22 AM |
|
|
|