الفكرة الجمهورية تتضاءل أمام أفكار الدكتور محمد شحرور !

Quote: (لكن دار اوريكم انو الاشياء البي تتقال ما دائما هي في الحقيقة ما بقولوها الناس القالوها، بقولها الحق من وراهم، وانت لمن تعرف ( لا اله الا الله) _ ( لا اله الا الله) عندها قيمه اسمها ، في مرتبة التوحيد اسمها وحدة الوجود، وحدة الفاعل، في وحدة الفاعل تري انو كل قائل وراه قائل واحد، هو (الله) زي العبارة الوردت لينا في القرأن، قال: (وَمَا رَمَيْتَ إِذْ رَمَيْتَ وَلَكِنَّ اللَّهَ رَمَى ) كأنو ماركس، يمكنك ان تقول عنو (ما قال اذ قال ولكن الله قال) وربنا قال ليهم (فلم تقتلوهم ولكن الله قتلهم) ودي في التوحيد اسمها وحدة الفاعل، وربنا عندو حكمة في الأمر ده، يظهر الحق علي لسان المبطل فيلتقطه صاحب الحق ويكون المبطل ما مأجور عليه لأنو ما بقصدو... اها دي العبارة بتاعت التقديس والمذهبية، دي من المسائل الما قايمة في اذهانهم، لكنها قيلت والانسان المجود يلقاها وياخدها ياخد الكامل ليتمم النقص ويرمي..يتم النقص ياخد الكامل ليتمم نقصو ويرمي النقص، وده ديدن الفكر الاسلامي ... ده معني مهيمن ( مُصَدِّقًا لِمَا بَيْنَ يَدَيْهِ مِنَ الْكِتَابِ وَمُهَيْمِنًا عَلَيْهِ ) اها القرأن مصدق لما بين يديه من الماركسية، من كتاب راس المال (مُصَدِّقًا لِمَا بَيْنَ يَدَيْهِ مِنَ الْكِتَابِ وَمُهَيْمِنًا عَلَيْه ) ينطبق حتي علي رأس المال ، ومهيمنا عليه متمم للنقص فيه..والمسألة دي احبها ان تكون مركزة شديد، عشان ما يقولوا بعض الأخوان انو دي .. ومالنا ومال ماركس، ده كلام فارغ كلو نرميه ونعمل غيرو. لأنو انت بمجرد ما قلت الكلام ده يجوز بتعصبك للدين، مشيت لي الشرك، لأنو ماركس ما بقول من عندو حاجة، يمكنك ان تقول : (الباطل ده قول ماركس) نرميه بعيد.. (الحق ده اسلام) ده معني انو كتابنا مصدق لما بين يديه من الكتاب ومهيمن عليه ).