|
|
 Re: عندما يبتسم الموظف أمامك.......أعرف إنو وقعتك سوداء (Re: د. ياسر عبد القادر)
|
مشلهت (وبرضو حقوق الملكية محفوظة للدكتور) واقف في الشارع ...و مافي بتاع أمجاد راضي يوديهو بحجة إنو ما مرخص و مابيقدر يقطع الكوبري...لأنو الكجر واقف.. ..أخيرا أقنع واحد بتاع أمجاد إنو يقطع الكوبري أو حقيقة بتاع الامجاد كان مضطر لأنو كان لافي من الصباح ومالاقي ليهو مشوار...وبرضو مارضي الا بشرط ....إنو في حالة إتقبض... مشلهت هو المفروض يدفع للكجر.....وافق مشلهت مرغما لأنو مجبور...إنتصف النهار و عليه أن يلف اللفة دي كلها.....
المهم قدر و لطف...الدنيا سخانة...والكجر ما كان واقف...
بعد حولي الساعة ونصف ...في مشوار يستغرق أقل من نص ساعة في الاحوال العادية...كان مشلهت يصعد السلم و هو يتنهد و نفسو مقطوع.....
وصل المكتب الوصفوهو ليهو من تحت...ولقي بتين قاعدات يتونسو ونسة هامسة ومعها ضحكات مكتومة...وباقي الطاولات فاضية...(المكتب فيه ست طاولات)
السسسسلاااام عليكم...(بأخر نفس)... زول هبب ليهو مافي
يابنات العم.........
ردت واحدة بصوت (مضروب في أس عشرة كدا) بالنسبة للصوت الكان بتتكلم بيهو مع صاحبتها: داير شنو؟؟
رد مشلهت بصوت خفيض جدا: لا لا ماداير حاجة...بس كنت عايز أورنيق تمنطاشر...هم هناك قالو لي جيبو
أيوااا...هنا إنفرجت أساريرها...وبانت ضواحكها...
أيوا دا عند الشفة (بفتح الشين و تشديد الفاء) ....لكن الشفة نقلت من هنا
نقلت وييييييين
نقلوها شارع تزعة و تمنين العمارات
شنو؟؟؟؟؟
والزول الفي الرياض ماعارف انو نقلوها....
لا... بكون عارف... لكن يمكن نسي
طيب داك نسي...بتاع الاستقبال تحت ماعارف انو نقلوها؟؟؟
لا دا بيكون ماعارف...
طيب مافي زول غيرها؟
لا و الله هي بس البتشتغل أورنيك تمنتاشر...(قالتها بحنكشة ماخايلة)
طيب يا ست البنات ..إنتي ماعندك الاورنيك دا...كدي فتشي...يمكن يكون في واحد واقع تحت المكتب ولا يكون ملفوف فيهو سندوتش طعمية.....ولا .. ولا
أما أختنا ...نست الزول الواقف و رجعت تقطع مع صاحبتها
وعن صاحبنا مشلهت ...طلع الشارع ...يمكن يلقي بتاع ركشة يحنسو عشان يقطع الكوبري ...المرة دي علي البيت عدل ...لأنو الساعة قربت لي تلاتة ضهر
|
|
 
|
|
|
|
|
| العنوان |
الكاتب |
Date |
| عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-24-13, 01:31 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-24-13, 01:34 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-24-13, 01:43 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-24-13, 02:07 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-24-13, 02:36 PM |
 Re: عندما يبتسم الموظف أمامك.......أعرف إنو وقعتك سوداء | على محمد الخير | 04-24-13, 02:42 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-24-13, 02:55 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-24-13, 08:47 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-24-13, 10:31 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-25-13, 07:25 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-26-13, 03:30 AM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-26-13, 12:33 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-26-13, 07:33 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-26-13, 07:44 PM |
| Re: عندما يبتسم الموظف أمامك.......أعرف إنو وقعتك سوداء | د. ياسر عبد القادر | 04-26-13, 08:00 PM |
|
| |
د. ياسر عبد القادر
فيس بوك
تويتر
انستقرام
يوتيوب
بنتيريست