|
|
 Re: سماسرة المواسير (Re: درديري كباشي)
|
ركب عثمان ورمضان موجة التجار في الاقتراض من البنوك وحررا شيكات ضمان من البنك بعد ان انفصلا من والديهما وقررا ان يتجرا في تجارة الزرة .. وفعلا اخذ الاثنان القرض وسافرا الى منطقة زراعة المحاصيل في ... واشتريا كمية ضخمة من الذره ... على اعتبار انهما سيقومان ببيعها في زمن القحط ويتحول الاثنان الى اغنياء في لمح البصر .. وفعلا اجرا مخازن في المدينة بعد ان خزنوا الزره ... وعادا مطمئنين .. ليغادر الموسم ... وللاسف كان موسما ناجحا جدا غمر البلاد بالذره واغرى حتى الفقراء بالزراعة في السهول .. لينزل سعر الذره كادنى حالة له منذ سنوات ... ويحين قرض البنك ... ويجد الاثنان نفسيهما في السجن .. وبعد بيع الذره الذي خزناه باي سعر وتدخل والديهما بتكملة الباقي وبعد عدة شهور يخرج الاثنان ... الى مرحلة الصفر من جديد .....
اخيرا تجلى اقتراح عثمان لرمضان فكرة يبدو انها خمرت في دماغه وهما في السجن ,
عثمان :: رمضان اخوي انا عندي فكرة لمشروع يعوضنا الخسائر دي في شهور
رمضان :: خلينا من مشاريعك دي ياخ ودتنا في ستين داهية
عثمان : المره دي مشاريع فيها دولارات كثيرة
رمضان : اها شنو المشاريع دي
عثمان رايك شنو : نسافر ادغال افريقيا ناس الكنغو وتنزانيا ونجيب لاعبين افارقة
رمضان : اها كمان عاوز تودينا محلات الابادة الجماعية والمشاكل دي عاوز تقرضنا مره واحدة
عثمان : ياعمي مشاكل شنو خلاص سيبك من الكنغو ورواندا ديل نمشي تنزانيا وكينيا
رمضان : طيب نحن حنعرف الاعبين كيف وكيف نقنعهم يجو معانا وحانجيب راسمال من وين ؟؟
عثمان : اولا راسمال ما مشكلة انت ناسي قطع الارض الكان طلعناها من اللجان الشعبية ؟؟ حنبيعها انا عرضتها وجابت مائتين مليون والبنك ماكان عارفه والا كان صادرها مننا ... اما اللاعبين .. وانت قايل حنجيب لاعبين من فريقهم القومي ... ما نحن حنشوف اي افريقي مفتل كدا وشعروا ممشط نجيبه ...
رمضان : طيب ما راح ننفضح لمن يكتشفوا انه ما بيعرف يلعب ...
عثمان : ياخي كورتنا السودانية دي عايز ليها زول بيعرف يلعب ؟.. اي زول لياقته فل مع اولادنا التعابه ديل يقدر يدفرهم ويصبح هداف الدوري
رمضان : خطير يا عثمان يا راس انت بكرة نبدا التنفيذ على طول...
والى اللقاء
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست