|
|
 Re: محطــــــــات (Re: درديري كباشي)
|
7- الخاتم
-ياعمر وقت جيت شيل الجك دا وجيب لينا الفول من عم صالح عشان اعمل ليكم الفطور قبل الاولاد ما يجوا من المدرسة ..
وبعد قليل يعود عمر يدخل الفول للمدام ويتكئ في الصالة ليقلب جريده كان يحملها .
-أجي يا عمر تعال شوف دا .
-في شنو يا وليه ؟؟
-فولك الجبتو من صالح دا لقيت فيه خاتم ؟؟
- خاتم ؟ خاتم شنو ؟ اصلوا الراجل الفقري دا لازم يسممنا يوم وانا ما حا اخليه الليلة..
-لا لا لا عليك الله خليه يا عمر راجل غلبان وتلاقيه ما قاصد يكون واقع من يده ..
-يا وليه خليني الليلة لازم اجيب له ناس الصحة ياخ دا راجل مقرف ..
شادية تلحق بعمر عند الباب وهي تترجا فيه الا يخلق مشكلة مع عم صالح الغلبان ..
-يا شادية دي المرة الكم مرة حجر بطارية ومرة مش عارف شنو ؟؟
- معليش خليه عشان خاطري ..
يرجع عمر على مضض وبعد قليل ..
- أجي يا عمر سجمي ؟
-في شنو تاني يا وليه ..
- الخاتم طلع بتاع دهب ومختوم كمان ..
-شنو كدي وريني ليه .. صحي كلامك يلا اهو رزق ..
-لا لا لا رزق شنو لازم ترجعوا ليه ..
-يا وليه هسع ما قلتي لي انسى الموضوع عديه ..
- بس المرة دي طلع بتاع دهب يعني حق الناس ..
- يعني لو نحاس نتسمم بيه نحن ولو دهب يظهر ليه أصحاب دي عدالة شنو ؟؟
- لكن الدهب ما اموال ناس ؟؟
- وبطنا دي ما اموال ناس ما قعد نصرف عليها الشي الفلاني شي مستشفيات وادوية وكوارع ؟
-يا عمر حق الناس ما ينفعنا ..
-خلاص انا برجعوا ليه ولو نكروا قال ما حقي تاني ما تسأليني منو ..
-موافقه ..
ويذهب عمر الى دكان صالح ..
عمر : دا شنو البتسوي فيه دا يا صالح ؟؟
صالح : في شنو يا راجل الله يكفينا شرك ..
عمر : تخت لينا خاتم في الفول انت عاوز تسممنا ؟؟
صالح : يا راجل يا سلباط خاتم شنو كمان البختو في الفول كمان ..
عمر : يعني الخاتم اللقيناه في الفول دا ما حقك ..
صالح : لاحقي ولا بعرف خاتم ولا شفتو يا اخوانا عمركم سمعتو بفول فيه خاتم .. الفول يختو فيه بيض يختو فيه طعميه لكن خاتم دي شنو ..
عمر : يختو فيه حجار بطارية ولا نسيت ..
صالح : يا راجل انت زول بتاع مشاكل وعايز ليك سبب معاي امشي بلا لبط معاك لا شفت خاتم ولا بعرف خاتم ..
عمر : قدام الرجال ديل يعني الخاتم اللقيناه في الفول دا ما عندك بيه علاقه ..؟
صالح : ولا عندي خاتم في الفول وامشي اعمل لبطك دي مع زول تاني ..
عمر : خلاص متشكر .
يعود للبيت .
- اها قال شنو : قال لا حقه ولا يعرف عنه حاجة قدام رجال الحلة ...
-خلاص الحمد لله ..
-انت قلتي لي منو من الاولاد قال عاوز عجله جديدة ..
-كلهم عايزين ..
- قولي ليهم أبشروا ..
|
|
 
|
|
|
|
|
| العنوان |
الكاتب |
Date |
| محطــــــــات | درديري كباشي | 04-15-13, 09:36 AM |
| Re: محطــــــــات | درديري كباشي | 04-15-13, 09:43 AM |
| Re: محطــــــــات | حامد الغبشاوي | 04-15-13, 10:47 AM |
| Re: محطــــــــات | درديري كباشي | 04-15-13, 10:52 AM |
| Re: محطــــــــات | نورالدين الفحل | 04-15-13, 09:49 AM |
| Re: محطــــــــات | درديري كباشي | 04-15-13, 09:54 AM |
| Re: محطــــــــات | درديري كباشي | 04-15-13, 09:59 AM |
 Re: محطــــــــات | محمد عبد الماجد الصايم | 04-15-13, 10:08 AM |
| Re: محطــــــــات | درديري كباشي | 04-15-13, 10:40 AM |
| Re: محطــــــــات | درديري كباشي | 04-15-13, 10:49 AM |
| Re: محطــــــــات | درديري كباشي | 04-15-13, 11:21 AM |
| Re: محطــــــــات | درديري كباشي | 04-15-13, 11:56 AM |
| Re: محطــــــــات | درديري كباشي | 04-15-13, 12:48 PM |
| Re: محطــــــــات | درديري كباشي | 04-15-13, 04:28 PM |
| Re: محطــــــــات | درديري كباشي | 04-15-13, 06:47 PM |
| Re: محطــــــــات | الامين موسى البشاري | 04-15-13, 11:17 PM |
| Re: محطــــــــات | درديري كباشي | 04-16-13, 06:45 AM |
| Re: محطــــــــات | درديري كباشي | 04-16-13, 08:04 AM |
| Re: محطــــــــات | درديري كباشي | 04-16-13, 07:14 PM |
| Re: محطــــــــات | درديري كباشي | 04-23-13, 01:17 PM |
|
| |
فيس بوك
تويتر
انستقرام
يوتيوب
بنتيريست