احتفاء بطعم الاناناس بالقنصلية للطلبةوالطالبات ( صور)

Quote: الأساتذه تاج السر وحافظ فتحي وأيوب خليل والأستاذة نجاة السلام عليكم يشهد الله اتابع هذا البوست بإهتمام شديد فالموضوع يهمنا مباشرة لكن أندهش جدا لمداخلات ما منها فائدة لا تسمن ولا تغني من جوع الناس تتكلم عن مشكلة حقيقية إطلع ليك واحد كله حقد وكراهيه وسب ولعن وتشكيك في أمانة الناس وتخوين لخلق الله وشكر للقنصلية في جده نحن نستفيد شنو من كلام ذي دا وكل حاجة عامل فيها فاهم نحن ملينا الحاجات دي وعايزين حوار هادي وهادف عايزين حلول حقيقية لمشاكلنا والله الموضوع دا مهم جدا ويشغل بال كتير من المغتربين و أستاذ التاج بفتح بوستات مهمه وتهم المغتربين مباشرة لذلك أستحلفكم بالله ان يستمر الحوار لنصل لحلول وبلاش الكلام الفارغ دا وشكرنا و تقديرنا لكم وللأستاذ أيوب خليل للتحليل العظيم والمعلومات الكتيرة و الأستاذه نجاة لأنو فعلا عارفين المشكلة وفعلا معلمين متخصصين وبدل ما تمدحوا لينا في القنصلية والمسئولين عنها والله القنصلية ما تستفيدوا منها أي حاجة تعالوا هنا وحللوا لينا مشاكل تعليم ابناء المغتربين عشان ما تكون النتيجة في جده طين ذي السنة الفاتت ويضطر الطلبة والطالبات دخول التعليم الخاص نحنا نجيب ملايين من وين عشان ندفعها لتعليم أو لادنا– شوفوا مشاكلنا كمغتربين شنو وشوفو حلها كيف وانسوا القنصلية دي شكرا أستاذ تاج ، شكرا حافظ فتحي شكرا الأستاذ أيوب خليل شكرا الأستاذه نجاة واستمروا في الحوار فالموضوع في غاية الأهمية وإن شا الله تصلوا لنتيجة وحلول قبل بداية العام الدراسي القادم واكتبوا للمسولين بالسودان إمكن يتذكرونا ولكم تحياتي / محمد أمين عبدالقادر