المدعو تمبس

Quote: ولا قاعد اقراً ليك مشاركة من وقت مضى وملتزم تماماً بعدم التداخل معك من قريب او بعيد والان لا اخاطبك

Quote: اما انا فلا رغبة لي في التداخل معك او مشاركتك فكرة ما

يا حبيب.. كلامك دا مع البوست المُفترع .. كفكرة عامة ما لافـق يآخي.. وبيخلي موقفك " حقيقة حقيقة " ضعيف جداً..
والـ"مدعو" تمبس ما بيلعبو ليهو كور زي دي..
يعني ما ممكن تختها ليهو بعد خط ستة والقون اكرم الهادي ..!!
عموماً من هسع ربنا يعينك والله..

انا غايتو ما لفت نظري في العموم كلامك دا :

Quote: وفي مقبل ايامنا لو في العمر بقية لو مات تمبس لا سمح الله لن تجد ابو روضة ضمن من يترحمون عليه

أولاً كلامك دا كلام ما سمح وما كويس في حقك وفي حق امة لا اله الا الله..
تانياً يىخي صدام حسين والقذافي والنميري وحتى مسليمة - رحمن اليمامة " لقي من يترحم عليهم.. بقت على الامنجي المهمش تمبس دا..
غير بدل يآخي ..!!

والأهم من كدة .. زول انت قلت يموت وما بتترحم عليه تاني الاستثناء بتاع لا سمح الله لزومو شنو عليك الله
انت اصلاً وقت رامي طوبتو ما تقول لا سمح الله في الحالة دي تقول " الله يعجل بالفرج "

استعيذ من الشيطان يا فرح حبيبنا واستغفر من الفكرة .. وخت الكورة واطة اصلاً اخرها كوم تراب
وأهو انت براك شفت نفسك بدون ما تشعر قلت لا سمح الله في الموت فما بالك من حدوثه فعلاً !!

اعتبرها زعلة ونفخة شيطان واستغفر لاخوك ولنفسك ... ما هكذا تؤتي الاشياء