لماذا تهميش قضايا النوبيين في المنبر (السدود مرة اخري)

Quote: لاخ نايف ... حرب الانقاذ اللعينه بدأت ضد النوبيين قبل وصولهم الي السلطه فكان مخطط ضربهم وتدميرهم جزء من مشروعهم الحضاري بحجة انهم بقايا فرعونيه ومسيحيه وان تاريخ السودان قد بدأ بدخول العرب والاسلام ..فعداء الجبهه الاسلاميه والمؤتمر الوطني لم يبدأ بتلك الوريقه التي يهلل لها السيد نور الدين منان وبالرغم من ان الاف النوبيين يعملون في الخارج الا انه يعتبر تلك الوثيقه الهامه ( ولا ادري ماهي اهمية الخبر عندما يكون بديهيآ .. لكن السيد منان يظن انه الوحيد المعني بتلك الضربه ,,... صفوه نوبيه كمان وناس ناصر المحسي الوقفو ترس في كجبار الاولي مكانهم يبيعوا جرجير في البلد ... سؤال متي التحق نور الدين منان بالعمل النوبي ؟؟؟؟ والعمل المعارض عمومآ .. اين كان عندما اعدم الشهيد مجدي محمد أحمد .. كان يعمل في السفاره السودانيه لم يحرك بنت شفه وكان بامكانه فعل الكثير بعلاقاته مع الامريكان ,, يعني ديل حيوقفو سد كجبار و دال ما بيقدروا يوقفو حكم اعدام ؟؟؟ و من بعد 28 من الكرام اعدموا في رمضان وهو قابع في كرسيه الانقاذي الوثير ..في الوقت الذي احتج واستقال فيه الكثيرون رفضآ لتلك المجزره وفيهم اعضاء في مجلس الانقلاب و لكنك صمت .. ولا نستبعد انك كنت من ضمن الموقعين علي برقية من السفاره السودانيه بواشنطن .. الي رئيس الجمهوريه المفدي و وزراءه أضربوهم بيد من حديد ... سيروا ونحن نشد من أذركم الموقعون ................... .............. 3- نور الدين عبد المنان في ذلك الزمان في مطلع التسعينات اقتحم الكيزان واجهزة الامن المعرض الثقافي النوبي بجامعة القاهره الفرع الذي تقيمه رابطة ابناء حلفا السكوت المحس وتم اعتقالنا نساء ورجال بحجة اننا كنا جزء من المظاهرات المندلعه وقتئذ ,,, كان نور الدين منان جزء من السلطه الحاكمه ... لكنه كان ابعد من خيال شعره الحلمنتيشي عن القضايا النوبيه .. كنت ناشطآ في كل الروابط النوبيه ورئيسآ لبعض روابطها سمعت بىلاف النوبيين في الخارج يعملوا و يدعموا مناشطنا و قوافلنا الثقافيه و الصحيه لكن معليش ما سمعنا بيك ... الا بعد ما جينا امريكا في ريسكيو نوبيا رغم انو سمعنا انك عندك زي 99 منظمه كده كلها ذهبت مع الريح .. آخ ما في تفريغ ,,, الان تقول انك تعمل في المشروع النوبي من يا تري هو المفرغك ... لا احد طيب ما كان ممكن تعمل في ريسكيو نوبيا من غير تفريغ اصلا ما انجزت شيئ بتفريغ او عدمه ... و ناس الاستاذ عز الدين و عثمان ابراهيم و أحمد شفا وعبد الحكيم اللي ترك شغله ومكتبه و رابط في كدنتكار وكثر لا حصر لهم الكان مفرغهم منو .. . . طالعين و نازلين خالين شغلهم و اولادهم ..يعتقلوهم كلما طلعت موجة سد والطامة الكبري انك بتقول عايز تفرغ شباب انت بالشكل دا يا استاذ حتبقي العمل التطوعي دا بدعه ,,, امريكا دي العلي كل شيئ قدير كما تتوهم اهم شريحه عندها المتطوعين .. طلاب الجامعات عدد ساعات العمل التطوعي تبقي ليهم ركورد في نهائي امتحاناتهم ... انت يظهر عايز تخرب الشباب بافكارك المغريه دي .. ثم ثانيآ متين انت والكمدور عبد الوهاب ماشين تطلقو اول طلقه في الارض النوبيه .. فلاحتكم بس يعبي اضنينك بالبارود عبر الخط الساخن ورصاص كيبوردك يدوش عمرو ما صاب ... اها انت في امريكا بتفتش لجهات تفرغك وداك في لندن .. حلركة مسلحه حركة مسلحه والله ما مسلح غير فسيفساء كيبورديك دا .. و طالقين الكضب في العالمين قال ايه مالك عقار اتصل بالقائد عبد الوهاب يااااا للنديه ,, واعلن انضمامكم شفت يا نور الدين كذبتكم دي عملت شنو و سط النوبيين الما خبروكم وخبروا اباطيلكم .. حولتهم 180 درجه من الفجر الجديد ونحن هسي تعبانين عشان نعيد ثقتهم في ناس عقار المفتري عليه و عرمان ..المعتز بتاريخنا النوبي وباهله ... منان انا اسهامي في العمل النوبي والعمل السياسي داخل السودان والله لن تستطيع ان تنال منه مثقال .. من اصغر حاجه بتعرفها .........فانا القضيه النوبيه دي سلمت ملفها لهاري جونسون اول مبعوث امريكي للسودان سنة 98 انابة عمن علمتنا كيف نناضل بشرف ونحترم من يعمل و يؤمن بقضيته الاستاذه سعاد ابراهيم احمد التي اعتذرت عن المقابله لظروف صحيه .. جاي سنة 20013 تقول لينا المنظمات الامريكيه .. انت بتكتب ليها مذكرات ب 18 الف دولار علي الاقل كان تتبرع ب 10 دولار منها للجان الداخل ...وهذا مالم ولن يحدث ..