الجنس !!!!

Quote: دون اشتراط الجنس به أو تجريم الجنس بدونه ... هل تعتقد أنك - أو الشباب بصفة عامة - سيعزفون عن الزواج مثلاً؟ هل لو غاب اشتراط الجنس بالزواج سيفقد الزواج بريقه وجاذبيته؟ ... في الحقيقة:

وده الحا نستمر نحاربو كان ترضى كان تابي .. كان جبت سيرة الاخوات .. وكان مشيت لي ابعد من كده
من يريد ان يتزوج لكي يقضى وطره فقط .. ده نحن ضده

وبنقول راينا الضده وبنقدم دفوعاتنا .. ولو حاول بفكرته دي يقرب من بناتنا .. بنركبو ( عشان تشوف العقد الما خمج ) وما بنخليه حتى لو هن موافقات على كده
دي المسئولية البنتحملها .. بتنا تجيب زميلها خريج يا دوب .. تعرسها ليه ونبارك ليه .. ونتم معاه العرس كمان لو قصر .. تجيبو هي بي مزاجها .. ما اختيار مننا .. وبعد قياس الاجراءات الاساسية في حداها الادني ( انه يكون مسئول .. ما معقد زي كده .. ومسلم ( عشان تفنجط ) ) .. طوالي نديه وندعموا

Quote: هل الغرض من الزواج هو تحليل الجنس؟ وهل الغرض من الجنس هو الإنجاب فقط؟ يعني لو انت وزوجتك عندكم تلاتة بنات ودايرين تقيفوا على كدا؛ هل ستقلعا عن الممارسة الجنسية بسبب غياب الغرض؟

الزول يقولوا ليه الجنس في حد زاتو ماهو غرض .. يقول ليك الغرض من الزواج تحليل الجنس
؟؟؟؟

انا وزوجتي فعلا عندنا تلات بنات .. وما عاوزين نقيف على كده
المهم

Quote: يعني لو انت وزوجتك عندكم تلاتة بنات ودايرين تقيفوا على كدا؛ هل ستقلعا عن الممارسة الجنسية بسبب غياب الغرض؟

نمسكها بفهمك انت عن الغريزة
الغرض الرئيسي للطعام هو الحافظ على الحياة عن طريق مد الجسم بالاحتياجات الضرورية
يعني مثلا يقال انو الانسان محتاج لقطعتين لحم معبتين مقاس واسم سنتي مكعب في اليوم وده بكفيه من البورتين في يومو داك .. فهل يعني مفروض اني اخد قطعتين اللحمة الصغار ديل طالما انهم بكفوا وبقضوا الغرض الاساسي ..وخلاص

عليك الله يا تبارك ما تعمل رايح

الانجاب والحفاظ على النوع من الانقراض ده الغرض الرئيسي .. في اغراض جانبية تانية موازية .. يمكن انها ترتفع عند شخص معين لظروف خاصة وتفوق الغرض الرئيسي ذات نفسه .. لكن ده ما معناتا ياهو ده الشي الاساسي ..

انت قلت نكون موضوعيين .. فخليك موضوعي بالله .. وبطل تعمل فيها رايح


___________________________
حا اديك فرصة واحدة يا تبارك
لاصلاح ما افسدته تجاهك في نفسي
اتمنى انك تستغلها صاح
اقراء البوست ده
بمنح جائزة الطيب صالح لطه جعفر يكون الادب السوداني وصل ادنى انحطاطه
انا ما حا اساعدك باي شرح ولا حا اكرر المنحة دي .. وانت وفهمك وقياسك ان كان عندك فهم

(عدل بواسطة وليد محمد المبارك on 04-01-2013, 02:40 PM)
(عدل بواسطة وليد محمد المبارك on 04-01-2013, 02:41 PM)