نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: بيت العنكبوت (Re: انصاف ابراهيم عبدالعزيز)
|
والدة زهرة لم تستطع ان تمنع هروب زهرة المتكرر,
وغيابها المستمر عن المدرسة
وعم داؤود كان اخرمن يعلم
شمل الخبر المدينة الصغيرة
الجميع يتهامسون وزهرة تزداد رعونة وتمرد يوم بعد الاخر تتنقل كالفراشة هنا وهناك .
الى ان سمعنا صوت جدى مصطفى مناديا حبوبتى بت الشريف
وطالبا بت عبدالرحيم على وجه السرعة ,
حضرت بت عبدالرحيم ودخلت على جدى مصطفى ومازال جدى مشغولا بتسبيحه وتمتمته باسماء الله ,
بت عبدالرحيم تتصبب عرقا
وهى تجلس على ارضية الصالون الرملية تبدل وضعية رجليها بين الحين والاخر
اخيرا التفت جدى ناحية بت عبدالرحيم قائلا
; ( اسمعى يابت عبدالرحيم خبار البنية كله عندى دحين بدورك تقولى لى داؤود المطرطش
جدى مصطفى قالك
عقد البنية زهرة الخميس على حسن ود المحجوب
انا ماعندى كلامن تب مع داؤود ودالمحجوب ود عمها وكثر خيرو دق سدرو وجانى بدور يغتى معونه
دحين رسى البنية وخليه تعقل وترسى بدل الفضايح والجرسة قدام الله وخلقه )
خرجت بت عبدالرحيم وهى تحدث نفسها
( سجمى يابنات امى كيفن بقول لى داؤود شيخ مصطفى بدور يعقد لى بتك الخميس على ود اخوك المقاطعو
برئ برئ فى خشمى مابجيبه
داؤود مابقدر يكسر كلمة شيخ مصطفى لكن يفش غضبه فيك يابت عبدالرحيم ,
شكيتك على الله يازهرة كان سودتى وشى قدام الله وخلقه )
لم تكن بت عبدالرحيم تعلم ان الامر سيروق عمى داؤود
فهو سيتخلص من اعبائه ومسؤلية البنات
كانت هاجسه وحصاره كان للحفاظ عليهن من منطلق فهمه البسيط .
وحسن كانت تعجبه ابنة عمه من زمن طويل
ولكنه لم يفاتحها فى الامر بسبب سفره للدراسة فى روسيا
وكانت تصرفات زهرة هى مجرد طيش مراهقة كما يراه هو ويردده لامه واخواته عندما تعلن امه رفضها لزهرة
قائلة
; ( البت دى ماقاعدة فى الواطة ياولدى داير بيها شنو
البنات على قفا من يشيل مالقيت غير المسنوحة زهرة )
ولكنه ينهى حديثه متشبثا برايه;
( اسمعى ياحجة زهرة بت عمى
ومهما قلتي انا غيره مابدور
بعدين انا كلمت جدى مصطفى وابوى زاته موافق الموضوع خلص فعليك الله باركيها ياحجة )
زهرة كانت تجلس امام كومة كبيرة من الثياب عند عودت بت عبدالرحيم
وهى تدندن : (مالوا ماجاء ماقال بجى )انتهرتها بت عبدالرحيم
:( تجيك صاعقة شاحدة ربى تريحنى منك )
مطت زهرة شفتيها فى امتعاض قائلة
;( الموشح بتاع كل يوم كالعادة كرهتونا روحنا اقول ليك حاجة ياامى الله يخلصنى من عيشتكم الكئيبة دى يارب توب على )
بت عبدالرحيم
(يتوب عليك من شنو ياكى شبه الخدمة
راجيك كان هنا وكان فى بيت ام حسن
اريتك تنسترى ياالزايعة انا والله كان ماخائفة ابوكى تحصل ليه حاجة ولا يكٌتلك زمان كان كلمته ليك )
زهرة ;
(دقيقة دقيقة خدمة وعرفنا ها ام حسن دى شئ كمان اوع تقولى لى حسن ودعمى محجوب )
بت عبدالرحيم ( ياهو السجم ودعمك شبهك يعلم ربى )
طرقات عصا عم داؤود قطعت الحديث وارتبكت بت عبدالرحيم وابنتها ولاذوا بالصمت .
|
|
 
|
|
|
|
|
| العنوان |
الكاتب |
Date |
| بيت العنكبوت | انصاف ابراهيم عبدالعزيز | 03-24-13, 10:45 AM |
| Re: بيت العنكبوت | انصاف ابراهيم عبدالعزيز | 03-24-13, 10:57 AM |
| Re: بيت العنكبوت | درديري كباشي | 03-24-13, 11:10 AM |
| Re: بيت العنكبوت | انصاف ابراهيم عبدالعزيز | 03-24-13, 08:47 PM |
| Re: بيت العنكبوت | انصاف ابراهيم عبدالعزيز | 03-24-13, 09:02 PM |
| Re: بيت العنكبوت | وليد زمبركس | 03-24-13, 09:14 PM |
| Re: بيت العنكبوت | انصاف ابراهيم عبدالعزيز | 03-25-13, 08:56 AM |
| Re: بيت العنكبوت | انصاف ابراهيم عبدالعزيز | 03-25-13, 11:44 AM |
| Re: بيت العنكبوت | انصاف ابراهيم عبدالعزيز | 03-26-13, 09:21 PM |
| Re: بيت العنكبوت | فرح الطاهر ابو روضة | 03-26-13, 09:30 PM |
| Re: بيت العنكبوت | وليد زمبركس | 03-27-13, 08:23 AM |
| Re: بيت العنكبوت | انصاف ابراهيم عبدالعزيز | 03-27-13, 10:05 AM |
| Re: بيت العنكبوت | انصاف ابراهيم عبدالعزيز | 03-27-13, 09:05 PM |
| Re: بيت العنكبوت | Kabar | 03-28-13, 11:41 AM |
| Re: بيت العنكبوت | انصاف ابراهيم عبدالعزيز | 03-28-13, 07:17 PM |
| Re: بيت العنكبوت | انصاف ابراهيم عبدالعزيز | 03-28-13, 07:50 PM |
| Re: بيت العنكبوت | انصاف ابراهيم عبدالعزيز | 03-29-13, 04:44 PM |
| Re: بيت العنكبوت | انصاف ابراهيم عبدالعزيز | 03-29-13, 07:16 PM |
| Re: بيت العنكبوت | انصاف ابراهيم عبدالعزيز | 03-30-13, 11:52 AM |
| Re: بيت العنكبوت | انصاف ابراهيم عبدالعزيز | 03-31-13, 12:03 PM |
|
| |
انصاف ابراهيم عبدالعزيز
فيس بوك
تويتر
انستقرام
يوتيوب
بنتيريست