|
|
 تلفزيوني الصغييير ..!!
|
لا يخفى عليكم كرهي للمريخ أكتر من حبي للهلال وأبذل كل ما هو غالي ونفيس من أجل نصرة من هو ضد المريخ ..
أها وانا في بداية حياتي الإغترابية قمت إشتريت لي تلفزيون ماركة سوني لكن من النوع البيشيلوهو 7 رجال داك وكلللو حديد وضهرو لي ورا زي تلاتة أمتار ولمن تجي ماري بي جمبو حرارة الدوائر الكهربية جواهو تلفحك بي سموم غريييب..مع العولمة والدخول السريع في مكنة المغترب القديم وفي إطار تكملة طقم الإغتراب ونسيان الماضي من نوع التلفزيونات الكنا بنديهو ضربة أو لبعة حتى يشتغل ومن نوع التلفزيونات الأريلو لو مر نسيم على بعد مييل يخلي الشاشة طرباً تميل وعااادي لمن يرجع الارسال تلقى المسلسل إنتهى إضافة لي تلفزيون زماان كان عندنا الصورة بتطلع لي فوق على التوالي ومرة تتمط ومرة تضعف..مرة تقسم ليك الزول نصين الراس فوق والكرعين بي الجمبة ومرة مقلوب ومرة الشاشة تضلم وتجيك نقطة صغييييرة في النص ..
هيييه يا لها من أيام نرجع لي السوني أبو سبعة رجال وطقم الإغتراب ..قومت فجأة كده للإستمتاع بي الكورة من خلال قنوات الHD إتبوبرت وإشتريت دااك يا ال LCD الما خمج و وعلقتو في الحيطة وجبت ديك يا الكنبة وبقيت اليوم كلللو حارس ليك أييي كورة في العالم ..
أها من ضمن المباريات البحضرا مباريات المريخ والتي أحرص على متابعتها أكتر من مباريات الهلال عشان أقدر أمارس فيها كل انوع الدعوات والصلوات والخزعبلات من شاكلة التفاف بالجمبة وا وبلع الريق طمنطاشر مرة عشان فرص المريخ تضيع..
أها وانا بكون بحضر في مباريات المريخ في ال LCD بلاحظ طوااالي المريخ بيكون غالب بي قوت أو إتنين أو تلاتة ..أصصصلو ماحصل درن ولا خسر ..
اها مرة وانا قاعد في الغرفة اللي رحلنا فيها التلفزيون القديم وهي عبارة عن غرفة هكرة من نوع الغرفة والمخزن و واللمكن تقلبا حقت ضيوف لمن يداهموك ومرة تقلبا حقت الشفع نظام القشرة لي أصحابك وانت بتحكي لما كنت في غرفة الأطفال و و أها صدفة بحححتة لقيت ليك التلفزيون شغال قناة الشروق وكورة للمريخ شغالة قعدت حرست الكورة المريخ مغلوب ..السخانة والكتمة لفختني والمريخ مغلوب وحلللفت ما اقوم من التلفزيون القديم ..قووم يا الحكم صففر والمريخ مغلوب ..قمت بعد داك وواصلت يومي..
بعدها بي كم اسبوع المريخ تاااني كان لاعب ..كنت بحضر في الكورة في أبو LCD والمريخ غالب واحد..اها قمت اعمل حركات اختفي وأجي بعد شوية نظام أتفاجأ وكده ..مشيت الغرفة الفي الوقت داك قلبتها غرفة اطفال والتلفزيون القديم شغال ..قلبت على قناة الشروق ومع القلبة توووف اشوف ليك الفريق التاني بينطط وجاب الدرون ..حررست الكورة في القديم لحددي ما إنتهت ..أنقرو ما انتهت درون؟؟
من يومها قررت إنو تلفزيوني القديم ده سرررو باااتع ووالله يا جماعة وانا جااادي أي كورة حضرتها للمريخ في التلفزيون القديم ده فيا المريخ مضروب يا درون ..
أها بقت عندي مشكلة كبييرة جداً ..المتعة والمشاهدة للدوريات الأوروبية بحبها في الLCD وغلب المريخ في التلفزيون القديم ..وكتير من الأوقات بيكون في مباريات اوروبية في نفس وقت كورة المريخ وما حصل قلبت القناة في الLCD لقيت المريخ ده مغلوب.. وما بقد كمان ما احضر ناس مانشستر وريال وتوتنغهام ديل..
كورة امبارح ضحيت بي الدوري الإنجليزي بعد ما بديت احضر فيهو والمريخ جاب قونو إضطريت اقوم امشي التلفزيون القديم لحدي ما الله اداني الفي مرادي حتى رجعت لحقت باقي الكور..
أها يا جماعة شوفو لي حل للقصة دي ..
تلفزيوني الصغير ولا ال LCD??
|
|
  
|
|
|
|
|
| العنوان |
الكاتب |
Date |
| تلفزيوني الصغييير ..!! | عمر الفاروق | 03-18-13, 02:54 PM |
| Re: تلفزيوني الصغييير ..!! | محمد البشرى الخضر | 03-18-13, 03:32 PM |
| Re: تلفزيوني الصغييير ..!! | أبوذر بابكر | 03-18-13, 04:11 PM |
| Re: تلفزيوني الصغييير ..!! | صبري طه | 03-18-13, 04:18 PM |
| Re: تلفزيوني الصغييير ..!! | عزيز | 03-18-13, 04:29 PM |
| Re: تلفزيوني الصغييير ..!! | محمد البشرى الخضر | 03-18-13, 04:34 PM |
| Re: تلفزيوني الصغييير ..!! | waleed dawash | 03-18-13, 05:16 PM |
| Re: تلفزيوني الصغييير ..!! | دينا خالد | 03-18-13, 05:26 PM |
| Re: تلفزيوني الصغييير ..!! | درديري كباشي | 03-18-13, 05:40 PM |
| Re: تلفزيوني الصغييير ..!! | عمر الفاروق | 03-19-13, 06:14 AM |
| Re: تلفزيوني الصغييير ..!! | عمر الفاروق | 03-19-13, 06:17 AM |
| Re: تلفزيوني الصغييير ..!! | عمر الفاروق | 03-19-13, 06:20 AM |
| Re: تلفزيوني الصغييير ..!! | عمر الفاروق | 03-19-13, 06:21 AM |
| Re: تلفزيوني الصغييير ..!! | عمر الفاروق | 03-19-13, 06:22 AM |
| Re: تلفزيوني الصغييير ..!! | عمر الفاروق | 03-19-13, 06:27 AM |
| Re: تلفزيوني الصغييير ..!! | عمر الفاروق | 03-19-13, 06:29 AM |
 Re: تلفزيوني الصغييير ..!! | صبري طه | 03-19-13, 06:38 AM |
| Re: تلفزيوني الصغييير ..!! | أبوذر بابكر | 03-19-13, 06:41 AM |
| Re: تلفزيوني الصغييير ..!! | عمر الفاروق | 03-19-13, 06:43 AM |
| Re: تلفزيوني الصغييير ..!! | عمر الفاروق | 03-19-13, 06:47 AM |
| Re: تلفزيوني الصغييير ..!! | أبوذر بابكر | 03-19-13, 06:57 AM |
| Re: تلفزيوني الصغييير ..!! | صبري طه | 03-19-13, 07:00 AM |
| Re: تلفزيوني الصغييير ..!! | omer osman | 03-19-13, 07:06 AM |
| Re: تلفزيوني الصغييير ..!! | عمر الفاروق | 03-19-13, 07:18 AM |
| Re: تلفزيوني الصغييير ..!! | عمر الفاروق | 03-19-13, 07:19 AM |
| Re: تلفزيوني الصغييير ..!! | عمران حسن صالح | 03-19-13, 07:24 AM |
| Re: تلفزيوني الصغييير ..!! | أمير محي الدين محمد | 03-19-13, 07:27 AM |
 Re: تلفزيوني الصغييير ..!! | لؤى | 03-19-13, 07:39 AM |
| Re: تلفزيوني الصغييير ..!! | حمد عبد الغفار عمر | 03-19-13, 07:53 AM |
| Re: تلفزيوني الصغييير ..!! | عمر الفاروق | 03-19-13, 08:07 AM |
| Re: تلفزيوني الصغييير ..!! | طلحة عبدالله | 03-19-13, 08:55 AM |
| Re: تلفزيوني الصغييير ..!! | عمر الفاروق | 03-19-13, 08:58 AM |
| Re: تلفزيوني الصغييير ..!! | طلحة عبدالله | 03-19-13, 09:02 AM |
| Re: تلفزيوني الصغييير ..!! | أمير محي الدين محمد | 03-19-13, 09:12 AM |
|
| |
عمر الفاروق
فيس بوك
تويتر
انستقرام
يوتيوب
بنتيريست