|
|
 Re: ملكة جمال الخرطوم لسنة 1958 ..... (أكيييييييييييييييييد صورة) (Re: أنور أدم)
|
ظبية المسالمة
عزيزة آدم منديل، اليهودية الأصل المسلمة الديانة، والبالغة أكثر من ثمانين عاماً، تقول في أحد حواراتها الصحفية إن عائلتها اليهودية دخلت الإسلام وبنت الخلاوي، ووزعت الهدايا وجدها داؤود منديل،كان تاجراً يأتي إلى السودان من الجزائر والمغرب حاملاً معه الحرير والألماس، وكان صديقاً شخصياً للإمام المهدي، الذي أطلق سراحه بعد أن أسره، ونطق الشهادتين على يديه، وبعد إسلامه زوَّجه المهدي لإحدى بنات الأشراف من سوريا ، و أنجب ستة أبناء ، أحدهم آدم والد السيدة عزيزة.
و عزيزة آدم منديل كانت ملكة جمال أمدرمان في ذلك العهد وقد كُتبت فيها أغنية (بنت النيل)، والتي يقول فيها الشاعر ظبية المسالمة.. الفي الخمائل حالمة. أبكيك ياظالمة، وأغنية أخرى كتبها أحد الذين تقدموا لخطبتها ، لكن لم يوافق عليه أهلها، وتغنى بهذه الكلمات الفنان أحمد المصطفى.
الرياضة
الأديان
في عهد الخليفة عبد الله التعايشي أُرغم اليهود والأقباط على اعتناق الإسلام تحت وطأة السيوف، الشيء الذي أدى إلى دخول بعضهم إلى الإسلام، والبعض الآخر أصبح يصلي في السر في أحد البيوت الموجودة في الحي؛ خوفاً من بطش الخليفة، وكانوا يرددون عند مرورهم بالكنيسة (الفي القلب ياكنيسة الرب ) ، وبعد انتهاء عهده، رجع بعض المسيحيين إلى أديانهم، لأن إسلامهم كان دون رغبة منهم .
مشاهير
أشعار
يقول د.عبد المنعم الحضري إن حكاية ظبية المسالمة هي عبارة عن رواية رُويت لأحمد المصطفى، وإن أقرب شخص قد يكون رآها هو الشاعر سيد عبد العزيز لقرب منزله منها ويذكر أن سيد عبد العزيز كتب قصيدة في ظبية المسالمة، ولم يرضَ أهلها بالقصيدة لرمزه في القصيدة (لعزيزة ).
من الأغاني التي كُتبت في ظبية المسالمة
تغنى الأستاذ أحمد المصطفى:
يا بنت النيل .. النيل
أحب النيل يا جميل
ظبية المسالمة
وفي الخمايل حالمة
وفيك يا ظالمة
يا ظالمة يا ظالمة
تجرحني ليه
وأنا كلّي جراح
لابد يوم ألقاك وأرتاح
آه .. أنا من عيونو الساحرة
آه .. أنا من ضفايرو السادلة
يتعبني تعب شديد
لو حلحلا
ليك من سحر الجنوب قسماتو
ومن طيب زهر الشمال نسماتو
أحبّو وأحب نوناتو
نوناتو الفي وجناتو
أحبّو واحب تقديرو
أحب رمّان صديرو
وسيف لحظو حين ما يديرو
أموت ما بعشق غيرو
المسخت الأعذار
في خدرها قلبي دارا
أريدا وأريد هظارا
يا ناس حلاة بني بارا
قال ليّ صديق خلّيني
صبح الغرام باليني
قت ليهو دا مواليني
وهو المن زمان قاليني
فقدنا الصواب يا شبابنا
يا ابو عبدة وين أحبابنا
لو متنا هم أسبابنا
العودة يا أربابنا
وكذلك عبد الرحمن الريح تغنى بأغنية لي في المسالمة غزال
كلمات/عبدالرحمن الريح
لي في المسالمة غزال .. نافر بغني عليه
جاهل وقلبو قاسي وقلبي طائع ليهو
مصباح الظلام الـ ربنا معليهو
زايد في الجمال نور الجمال جاليهو
لو شافو الغزال على نفرتو بواليهو
وإن شافو القمر أنوارو تخجل ليهو
إن جاه النسيم زي الفرع يتنيهو
والثمر الرطيب كذب البقول يجنيهو
باللمي والخدود ياذا العشوق بفنيهو
الصحا والنعاس والسحر في عينيهو
كل من شافوا قال أنا بالنفس أفديهو
هو غصن الرياض الزاهي في واديهو
أزهار الربيع مازج زهور خديهو
وجدلات الحرير ما لينة زي إيديهو
والدو معجنو على فطرتو مربيهو
هو الفرد الوحيد في الدنيا ما في شبيهو
يتجاهل علي وأنا حالي ما غابيهو
سالبني في نار هواه شال قلبي يلعب بيهو
----------
(منقول من سودانيز أون لاين)
|
|
 
|
|
|
|
|
| العنوان |
الكاتب |
Date |
 ملكة جمال الخرطوم لسنة 1958 ..... (أكيييييييييييييييييد صورة) | أنور أدم | 03-03-13, 00:47 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | عرفات حسين | 03-03-13, 01:34 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | أنور أدم | 03-03-13, 02:21 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | Mahjob Abdalla | 03-03-13, 02:34 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | أنور أدم | 03-03-13, 02:57 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | أنور أدم | 03-03-13, 03:05 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | أنور أدم | 03-03-13, 03:15 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | عرفات حسين | 03-03-13, 03:29 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | عرفات حسين | 03-03-13, 03:49 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | أنور أدم | 03-03-13, 03:53 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | أنور أدم | 03-03-13, 04:00 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | دينا خالد | 03-03-13, 06:02 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | محمدين محمد اسحق | 03-03-13, 07:55 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | أنور أدم | 03-03-13, 10:39 PM |
| Re: ملكة جمال الخرطوم لسنة 1958 ..... (أكيييييييييييييييييد صورة) | عبد العزيز عبدالكريم نهار | 03-04-13, 01:01 AM |
| Re: ملكة جمال الخرطوم لسنة 1958 ..... (أكيييييييييييييييييد صورة) | أنور أدم | 03-04-13, 08:32 PM |
|
| |
عرفات حسين
فيس بوك
تويتر
انستقرام
يوتيوب
بنتيريست