|
|
 ست عرقي: بنخت في العرقي حجار بطارية وسفنجات وبامبرز ...
|
إعترافات خطيرة لـ (ست العرقي): (عارفين القانون وعندنا صندوق للكتاحة)!
نشر بتاريخ الجمعة, 22 شباط/فبراير 2013 10:34
الحاجة (م) من التائبات اللائي كتب الله لهنَّ الهداية وهي الآن تدير مطعماً متواضعاً بأحد أطراف العاصمة حيث كانت من أشهر صانعات الخمور البلدية و(ست عرقي) من الدرجة الأولى، التقيناها وحكت لنا قصتها مع صناعة العرقي خلال هذه المقابلة الاستثنائية، وسنحاول مجتهدين أن نتعامل مع عباراتها وفقاً لمقتضيات التحرير.
* الحاجة (م) سلام عليكم وإن شاء الله تكوني بخير.
- أنا بخير والحمد لله.
* شايفين ملاحك وكسرتك ما شاء الله، كيف حولت شغلك القديم؟.
- يا ولدي بدل تقول لي إن شاء الله ربنا يعينك تقول لي كلامك دا.
* معليش ما قصدنا إلا الخير ودايرنّك تكلمينا عن تجربتك عشان يستفيدوا منها الناس كلهم.
- تجربتي كانت مُرة.. وسوداء، لكن ممكن أورّيكم أسرار صناعة العرقي كان دايرين.
* طيِّب ورينا أول مرحلة فيه.
- بنجيب البلح ونضعه في براميل بلاستيك مغلقة نضع فيه شوية خميرة وبنخد فيه (بنج) وحجار بطارية وبعد ذلك ندفنه في الأرض لمدة ثلاثة أيام، ودي بنسميها (تصبينة).
* حصل شفت ليك ناس بعملوا في التصبينة حاجات غير الحجار والبنج؟!
- كيف والله في ناس بختوا فيها (بنبرس) الأطفال من الكوش وفي ناس بختو فئران ميتة و(نعلات) وفي ناس بختوا (طيارات)
* قلت مقاطعاً طيارات شنو؟
قالت: حبوب في الطبالي بتخلي العرقي (رابط).
* بعد التصبينة في شنو؟
- بنطلع المخمر ونديهو نار وعندنا حاجة اسمها (قدرة شد) والجنوبيات بسموها (جوكر) بنوصلها بخرطوش مع القدرة او الحلة وبيتم إغلاقها جيدًا عشان يتبخر بالنار في الحلة وبكون في (طشت) أو صفيحة فيها موية باردة وبتنقط او تصفي في الكورة الكبيرة.
*العرقي في النار بتكبوا ليهو حاجة تانية؟
- أنا ما كنت بكب فيه حاجة لكن زميلاتي بختّن فيهو سفنجات مع النار وجزم وكثير جداً بختو (الاجتماعي)... (مقاطعاً): الاجتماعي شنو؟ قالت اسبرت وسموه كدا عشان بقلل الريحة وبخلي الزبون زي الشارب وسكي. وقالت (م) إن كثيرًا من الحملات بتجد في التصبينة مراكيب وفئران.
* ناس أمن المجتمع قصتم معاك شنو؟
مسمينهم (الكتاحة) ولمن يجوا في مداهمة عارفين العرقي حيازة ممكن ما يلقوه لأن التصبينة ممكن تكون في الكوشة وبره البيت وكنا بنعمل حفر تصبينة في الشارع وكل الناس عارفها الحفر دي حقت منو ومنو وبعد ما بقوا يراقبونا بقينا نشتغل سفري بس، وعادة ما نشد العرقي بعد الواحدة صباحاً وقبل الصلاة بكون جاهز كلو بعدها بجي الترحيل يوزع ولازم السواقين يكونوا مفتحين من (الكتاحة).
* قبضوك كيف؟
- قبضوني في حملة وحكموني بالسجن، وفي واحد اتكلم معاي بصورة كويسة وقال لي انت كان لقيتي شغل بتخلي العرقي؟ قلت ليهو بخليهو، أداني قروش وطلّع لي تصديق من المحلية، والآن شغالة والحمد الله، وبتي شغالة معي شاي، ومبسوطين، وبعد ما عرفنا الحلال لقينا طعمو طيب وتاني ما بنخليهو.
* لمن تجيكم الحملات بتعملوا شنو؟
- بنسميها (كتمت) ولمن تكتم عارفين بنعمل شنو؟
* وضحّي لينا أكثر؟
دائماً بكون في البيت عدد من النسوان وكل مرّة بنقدم واحدة للمحكمة عشان القضاة بقوا يعرفونا ولو الواحدة وقفت كتير قدامو بحكمها بالسجن، ونحن عارفين القانون دائماً النسوان العندهم أطفال ما بدوهم سجن بغرموهم بس، عشان كدة بنشوف لينا أي طفل (نلزقوا) في المحكمة وبنجي المحكمة وعارفين الغرامة كم وبندفعها فوري.
* بتدفعوها من وين؟
- من صندوق (الكتاحة)
* صندوق الكتاحة دا شنو؟
- دي ختة جاهزة من ستات العرقي، بندفع منها الغرامات، والزول البنديو منها بسددها بالأقساط السريعة، وقالت (م) البقبضوها في الكتاحة بنساعدها كلنا.
* حسب معرفتك بزميلاتك لو لقوا شغل ممكن يخلوا شد العرقي؟
بخلّوه، أنا متأكدة، ولو ما ظروفهم الصعبة ما كان اشتغلوا كدة، وبالمناسبة بعرف زميلات كتار خلوا الشغل دا وبقوا ناس كويسين، لكن العرقي بتاع اليومين ديل بسوهو الجنوبيين والحبش والأجانب.
* نصيحة أخيرة
نصيحتي لي ناس الحكومة بقول ليهم السجن والغرامة ما بتوقِّف الشغل دا ..لازم توفروا شغل لستات العرقي، وبقول لي ناس الشرطة ركزوا على الجنوبيين بقوا أجانب وركزوا على الحبش.
ونصيحتي لأي زول بشرب عرقي بقول ليهو العرقي دا سم بقتلك!!
الإنتباهة
|
|
 
|
|
|
|
|
| العنوان |
الكاتب |
Date |
| ست عرقي: بنخت في العرقي حجار بطارية وسفنجات وبامبرز ... | منتصرمحمد زكى | 02-22-13, 02:01 PM |
 Re: ست عرقي: بنخت في العرقي حجار بطارية وسفنجات وبامبرز ... | محمد النيل | 02-22-13, 02:39 PM |
| Re: ست عرقي: بنخت في العرقي حجار بطارية وسفنجات وبامبرز ... | يحي قباني | 02-22-13, 02:43 PM |
| Re: ست عرقي: بنخت في العرقي حجار بطارية وسفنجات وبامبرز ... | محمد جمعه الخير | 02-22-13, 03:20 PM |
 Re: ست عرقي: بنخت في العرقي حجار بطارية وسفنجات وبامبرز ... | حبيب نورة | 02-22-13, 03:33 PM |
| Re: ست عرقي: بنخت في العرقي حجار بطارية وسفنجات وبامبرز ... | Mohamed Hamed Ahmed | 02-22-13, 04:24 PM |
| Re: ست عرقي: بنخت في العرقي حجار بطارية وسفنجات وبامبرز ... | احمد عمر محمد | 02-22-13, 08:06 PM |
| Re: ست عرقي: بنخت في العرقي حجار بطارية وسفنجات وبامبرز ... | يحي قباني | 02-22-13, 08:33 PM |
| Re: ست عرقي: بنخت في العرقي حجار بطارية وسفنجات وبامبرز ... | محمد إبراهيم علي | 02-22-13, 08:45 PM |
| Re: ست عرقي: بنخت في العرقي حجار بطارية وسفنجات وبامبرز ... | عاطف عمر | 02-22-13, 09:02 PM |
| Re: ست عرقي: بنخت في العرقي حجار بطارية وسفنجات وبامبرز ... | Mohammed Maher | 02-22-13, 09:17 PM |
| Re: ست عرقي: بنخت في العرقي حجار بطارية وسفنجات وبامبرز ... | محمد محمود محمد | 02-22-13, 11:48 PM |
| Re: ست عرقي: بنخت في العرقي حجار بطارية وسفنجات وبامبرز ... | الصادق عثمان محمد | 02-23-13, 10:32 AM |
| Re: ست عرقي: بنخت في العرقي حجار بطارية وسفنجات وبامبرز ... | امجد محمد الأمين | 02-23-13, 10:47 AM |
| Re: ست عرقي: بنخت في العرقي حجار بطارية وسفنجات وبامبرز ... | الصادق عثمان محمد | 02-23-13, 10:49 AM |
| Re: ست عرقي: بنخت في العرقي حجار بطارية وسفنجات وبامبرز ... | معروف حمدين | 02-23-13, 10:55 AM |
|
| |
منتصرمحمد زكى
فيس بوك
تويتر
انستقرام
يوتيوب
بنتيريست