بيان من السفارة السودانية بالرياض حول طردها مواطن لارتدائه صورة البشير

Quote: ود الخال سلامات طبعاً كلامك صحيح من حيث المبدأ والمتعارف عليه ولكن فى زمن الصور المقلوبة طبيعى ان يحدث ما هو كائن الان لا يهمنى ان السفير طرد احد المواطنين ولا يهمنى سبب الطرد لانو الصورة مقلوبة فى كل شىء يعنى الوجعة بس فى الطرد دا ياخ هى وينها السفارة ووين دورها لكل المواطنين السودانيين المقيمين بالمملكة وين حكومة الارهابى المطلوب دولياً من كل قضايا البلد وهموم مواطنيها عموماً ما يهمنى هو استخدامك لتعبير الجالية وانت وانا وراعى الضان فى الخلا يعلم انه لا وجود لجالية سودانية بالرياض ولن تكون والاسباب معلومة للجميع وكل المخططات والمحاولات لارساء وهم وجودها لن تفلح ولن تصيب شان كدا دحين با ابن خالى شوفوا ليكم فرية غيرها وصفوا حساباتكم بيناتكم بعيد من قضايانا والحشاش فيكم اليملا شبكتو ودحين كان جابتلها كتال ما تشيل هم اهلنا وناسنا هنا كتار وبيسدوا عين الشمس حرم البيحدرلك ساى نقدلو عينو لا تقولى سفير ولا غيرو انت بس سل سيفك وابقى مارق ونحن ما بنقصر تب معاك بس انت ابقى مارق وما تبقى رقراق ابقا يا ضل يا شمس