القبض على 9 شواذ بينهم مطرب فى حفل زواج مثليين ..

Quote: سلام قوله تعالى : ( وإذا حكمتم بين الناس أن تحكموا بالعدل إن الله نعما يعظكم به إن الله كان سميعا بصيرا ) . وقال : ( وإذا قلتم فاعدلوا ولو كان ذا قربى ) Quote: بكرة ح يطالبوا باللجوء لانهم لا يجدون حرياتهم في السودان ! مصعب ازيك اكيد ممكن يطلبوا لجؤ لانه تم الاعتداء على حرياتهم( مداهمة البيت) وراجع القانون وورينا الاسباب التي تدعوا لمداهمة البيوت وبعد داك نجي للتهم الوجهت ليهم. الحريه ياصاحبى فوق كل شئ واظن سيدنا عمر بن الخطاب لما نط على السكارى اخد درس واعتذر. عشان كدا اول مبادئ الحريه هي ان تكون آمن في بيتك. والقانون مفروض يعاقب من داهم. وان شاء الله في زواج احد اهلك اذا تمت مداهمه(كيديه) ما تتطالب بالعدل. العدل للجميع وما لاترتضيه لنفسك ما ترضاه للناس. Quote: ربنا لا تؤاخذنا بما فعل السفهاء منا ربنا إنك غفور رحيم الحليله ازيك انت قاصد منو السفهاء الناس التي تم مداهمتها في بيتها ولا الناس الداهمت. ورسونا الحبيب قال (من اطلع في بيت قوم من غير إذنهم حل لهم أن يفقؤوا عينه). فما بالك مداهمه ومرمطه. Quote: فضائح مابعدها فضائح .. قبل فترة ايضا تم القبض على مجموعة .. لكن الظاهر القوانين غير رادعة . الدولة ح تفكر تعمل تشريعات بعد الفاس وقع في الراس . الفضيحه وين يا مصعب المداهمه ولا والتهمه ولا اثباتها. اغبى محامي ممكن يورط الشرطه ( لو في عدل) مش احتمال بيمثلوا في فيلم هندي وكله حناء كحل. الدوله اول تحفظ الحريات وبعدها يدقوا الصفائح. ليش الاندفاع ووافقت على المداهمه واثبت التهمه. Quote: العقاب الرادع هو الحل الامثل للمثليين . ماهو حكمهم في القانون السوداني ؟ الحكم في اي قانون في الدنيا يامصعب انه اول تثبت التهمه مش معروضات واسكيرت. واثبات اللواط في السودان مثل الزنا . Quote: غايتو الشئ المتأكد منو انو القضيه دى منفسه معقول معروضاتهم حنه ودلوكه وشيشه وقهوه هسع ديل عند ود الصائم ممكن تلقاهن موجودات .....! سامي قلنا اغبى محامي ممكن يورط الشرطه( ممكن المداهمه من غير اذن من النيابه) لو في عدل. Quote: وين دعاة الليبرالية ورافضي الدين دي مش برضو تصب عندهم في الحريات الشخصية؟ عماد السلام عليكم ورحمة الله وبركاته مادعاة ليبراليه بل من دينا الحنيف والاسلام عرفنا بحقوق البيوت وشايفك اندفعت واثبت التهمه قبل ماتدين انتهاك حرمات البيوت. Quote: وهل يمنع القانون السوداني وجود الحنة والدلوكة والشيشة ولباس الاسكيرت في البيت!!!! عفراء ازيك طبعا لا يوجد بس المتاكد منو انه لايوجد عدل سواء من ناس الحكومه ولا من الناس الجات شايله امواسها وادانت قبل ان تثبت التهمه. Quote: ياعفراء البيت ده اكيد مسكون والبيوت خشم بيوت ياحنين لكن ماداهموهم في صمة خشهم. ولو المداهمه لو بتم في كل الحفلات السودانيه ياما نشوف معروضات بعيد عن النقاش رسل لي تلفونك او ايملك. Quote: ان المثليين فى كوستى زهبوا اكثر من ذلك وقد نظموا احتجاجات واعتصامات فى عام 1953 فى مدينة كوستى مطالبين بحقوق المثليين مثل الزواج ونظموا مارشات كبيرا فى وسط المدينة وتعرض لهم البوليس وتم اعتقال وحبس العديد منهم وتم تقديمهم لمحاكمة تكونت برئاسة القاضي حينها بطران وهو من اصل باكستانى وفى حيثيات المحكمة توصلت ان القانون السودانى فى ذلك الزمان ليست به مادة تجرم او تعاقب المثليين لذلك اصدر قراره واصبح من السوابغ القضائية فى القانون السودانى بأن هذا موضوع نفسانى وتم اطلاق صراحهم سيف جبريل ازيك تسلم على ايرادك القصه التي تجسد العدل واذا فرضنا الان في القانون السوداني في مادة تجرم مش اول اثبات التهمه. Quote: هؤلاء يحتاجون للدعم النفسي جني صح لسانك Quote: دعوني اختلف معكم قليلا فإذا نظرنا للموضوع من ناحية اخري الا يحق للانسان ان يلبس ما يشاء داخل منزله او حتي يلبس من غير هدوم زي ما قال عادل امام ياخي اي زول حر في في بيتو يعمل الهو عايزو لكن لما يكون الموضوع في مكان عام فهذا خدش للحياء العام او سميه كما تشاء وعليه يمكن محاسبته حسب القانون و لكن ان يتهم الشخص بانه لابس ملابس خليعة داخل منزله فهذا ليس بالمنطقي و ليس بالقانوني. طه بابكر بس البقنع الديك منو؟ الحريه لنا ولغيرنا. Quote: كبرو الجمجمة المثليين فى انحاء كثيرة من العالم معترف بحقوقهم و الشغلانية فى اكثر الحالات توجه جنسى يخلق به الشخص و لا يد له فيه و شئنا ام ابينا هذه الظاهرة موجودة فى بلادنا و لو اوردنا اسماء الساسة و الفنانيين و الضباط و نجوم المجتمع المثليين فى سودان الجن حا تنخلعو ما دام يمارسون هذه الظاهرة فيما بينهم و دون ازعاج او اكراه احد فلا جناح عليهم عوض ازيك مااظن يكبروا لجمجمه لانهم اول ما يسمعوا تهمة مثيلي بحصل شلل دماغي وما في طريق للنقاش يعني قبل اثبات التهمه يطالبوا بالقانون الرادع. والغريبه في اقرب ملف تتم المطالبه بحقوق الانسان مااود قوله هو قوله سبحان وتعالى ( وإذا حكمتم بين الناس أن تحكموا بالعدل إن الله نعما يعظكم به إن الله كان سميعا بصيرا )