|
|
 ماشى الجهاد والعفو والعافيه .,.يا ناس التوعيه الدينيه ارحموا الامهات
|
قاعده لا بينى لا علينى بنقنق فى شاشتى دى وفجعتا جانى زميلى بيشوح لى
فنيت السماعه من اضانى وعاينت له
بدا يحكى بلا مقدماااااااااااااااااااااااااااااااااات وانا عيونى كل شويه بتتسع لمن غلبها الاتساع
وقلبى دا فااااااااااااااااااااااااااار وقرب ينط من الشباك
واعصابى اشتعلت وجع وغضب واستنكاااااااااااااااااااااار
ليه يا خوانى كددددددددددددددددددددده
الدين قال ارحموا من فى الارض ليرحمكم من فى السماء
قبال اتنفض فيكم نحكى ليكم الحتوته
ود عمه طالب فى مامون حميده كان باقى له سمستر ويخلص سنه ثالثه
فى اوانه الاخيره بدأ يظهر عليه الانضباط الدينى الشديد
وصلاه فى الجامع والتزام
الاسره فرحت شديد ان ابنها بدى يكون صالح وواعى وعارف درب الله
وفجئه من اسبوعين اظن اختفى الابن
والام والاب كانوا مسافرين فى داخل السودان
وبديت الاسره تسئل منو ويضعوا احتمالات انه نايم عند صاحبه
ما كان فى هاجس كبير وانه اكيد بخير
لكن الايام زادت وما بيرد على الاتصالات وبعدها اتقفل الموبايل
وبديت الامور تسخن بيهم لتتفاجىء اخته برساله مختوته فى جهاز الكمبيوتر حقه ملخصها
انه اختار دربه وعايز الجنه وماشى يجاهد والعفو والعافيه
وما يقلقوا عليه ومفروض يقلقوا على انفسهم ومصيرها
لانه اختار الاخره والجنه وما مفروض يحزنوا ويقلقوا عليه
غايتو انا فى لحظه دى كنت وصلت مراحل ألم داخلى رهيب فى استوعاب احساس امه
امممممممممممممممممممه
امممممممممممممممممممممممممممممممممممممه
اللهم لا نسئلك رد القضاء ولكن نسئلك اللطف فيه
والدنيا قامت وبلغوا السلطات والامن وبدوا البحث فى الجامعه وبين الطلبه
ما عيب يكون فى توعيه دينيه ويتغير الشباب للاحسن
لكن تكون صحيحه
صحححححححححححححححححححححححححححيحه
الدين ما قال اقلعوا الشفع من حضن امهاتهم وفنوهم فى الجهاد
واستغربت من وجود معسكرات لتدريب تابعه للاخوان والحكومه ببساطه ما شغاله بيهم
وليه مركزين على الشفع اللى ليسه بيحاولوا يستوعبوا الحياه صح
اختفى معاه صاحبه برضو اهله عايشين بره السودان وقاعد مع خالو واتحجج انه ماشى يبات مع صاحبه الاول
التم اكتشافه ايضا ان الحوادث دى كتيره شديد وعدد البيختفوا باسم الجهاد كبير جدااااااااااا
,,..,,
مافى زول يجى يسيىء دينى لان العمل دا ما دينى فى نظرى
انا بتكلم عن العقليات اللى بتزرع فى امخاخ الشفع الافكار دى
ويقلبوا حياة اسر ويقهروا قلوب امهات بإسم الدين
حسبى الله ونعم الوكيل في كل مخلوق بيتكلم بإسم الدين جهلا وضررا ونفاقا
,.,.,.
|
|
 
|
|
|
|
|
| العنوان |
الكاتب |
Date |
| ماشى الجهاد والعفو والعافيه .,.يا ناس التوعيه الدينيه ارحموا الامهات | رانيه محمد الشيخ | 02-14-13, 12:46 PM |
| Re: ماشى الجهاد والعفو والعافيه .,.يا ناس التوعيه الدينيه ارحموا الامه | رانيه محمد الشيخ | 02-15-13, 09:53 PM |
| Re: ماشى الجهاد والعفو والعافيه .,.يا ناس التوعيه الدينيه ارحموا الامه | سليمان القرشي | 02-15-13, 11:47 PM |
| Re: ماشى الجهاد والعفو والعافيه .,.يا ناس التوعيه الدينيه ارحموا الامه | رانيه محمد الشيخ | 02-16-13, 08:17 AM |
 Re: ماشى الجهاد والعفو والعافيه .,.يا ناس التوعيه الدينيه ارحموا الامه | النعمة عبدالرحمن | 02-16-13, 06:28 PM |
| Re: ماشى الجهاد والعفو والعافيه .,.يا ناس التوعيه الدينيه ارحموا الامه | رانيه محمد الشيخ | 02-16-13, 07:28 PM |
| Re: ماشى الجهاد والعفو والعافيه .,.يا ناس التوعيه الدينيه ارحموا الامه | النعمة عبدالرحمن | 02-16-13, 10:10 PM |
| Re: ماشى الجهاد والعفو والعافيه .,.يا ناس التوعيه الدينيه ارحموا الامه | رانيه محمد الشيخ | 02-18-13, 12:57 PM |
|
| |
فيس بوك
تويتر
انستقرام
يوتيوب
بنتيريست