|
|
 زول العرقي المهجس
|
مواقف السكاري ليس بحجم مواقف او نكات المساطيل وغالبها تكون من مواقف او طرائف حقيقيه مثال لذلك قبل الدخول في طول وعرض الموقف الطريف.
رجل معرفة محترف ((تعبير احسن من مدمن)) عرقي ما بنوم الي اطشم ايام الكشات الكثيرة مع بداية شرطة الانضباط قبضو .
لحسن حظو القاضي ابن اختو بعد ما حكم علي كم واحد جاء دور الخال القاضي اشتغل معاهو مواعظ ونصائح استجاب الخال لتلك النصائح من ابن الاخت حتي تخيل من في المحكمة ان الخال بعد هذه النصائح سوف يتوب الي الله .
بعد النصائح حكم القاضي علي الخال ب40 جلدة.
بعد تنفيذ الحكم رجع الخال للقاضي قال ليهو ممكن تدوني الفاضي بتاعي من المعروضات.
رجل يحب العرقي بصورة جنونيه لدرجة لو عايز اشرب مويه بشربها بي كباية الشاي جغمه جغمه طبعا التعبير والفعل بعرفوهو ناس ال ون قو مشكلة الراجل بخاف من البوليس جنو وجن الانضباط عشان كده تلقي طوالي من الصباح وقت بايته معاهو إلوك في لبان بخور التيمان ريحة جيبو تبخر خلوة بدون نار ومبخر.
في مرة من المرات المحترف عازم ليهو جماعه معاهو وبما انه يسكن خارج المدينة ((ممكن نقول شغال في مدني وساكن كركوج)) لتقريب الفهم .
قرر إشيل العرقي من المدينة لتوفر العروض بالاختيار كما ان بالقرية ونسبة لعدم وجود طلمبات كثيرة والبيع احتكاري تكون هنالك اضافات مثل الموية الراجل عايز اكرم الناس بي حاجة قوية.
قرر الساعة 12 اطلع من الشغل ويتوجه لستات العرقي إطبق كيسو وجري لي مواصلات الحلة.
اثناء توجهه لستات العرقي وبما انه مهجس من الانضباط والشرطة وجد ان هذه المهمة صعبة.
الراجل ماشي اشوف ليهو اثنين واقفين في العامود بتونسو اوسوس ليهو قلبو ((بالله ده علي انا قايلين بتغشوني عاملين بتتونسو من أطبق الكيس واطلع لي برة تعكشوني يا وهم اعملوها لي زول تاني)) اغير اتجاهو لي زقاق اخر....
لقي ليهو واحد الظاهر سكران بي مريسه وراقد في الواطه إوسوس ليهو قلبو (( عامل لي فيها ابو النوم وطاشم منتظرني اخش جوة مع طلعتي تترب تنط في رقبتي وتمسكني بالثابته وكمان حيازة كمية معروضات بالله شوف ليك زول تاني فرفاره غيري.
اخيرا مع هلاويسه قرر إرجع المصلحة وإستعين بصديق ...احد العمال العيونم حمرا وشراره وبجي الشغل بايته معاهو كما له افضال عليه في توقيع العمل الاضافي لم يخيب ظنه في سرعة البرق جاب ليهو اربعة زجاجات في كيس نايلون مغلفة في كيس اسمنت.
رجع تاني لي للهلاويس ((الزول ده جاني طاير بي سرعة شايل البتاع وكمان مغلفو بي كيس اسمنت لو ما شكو ناس الانضباط عرقي اقولو انا ببيع بنقو يعني عاكشني عاكشني قايلني انا طيرة)).
لحل اشكال الهلوسه قال للعامل: اسمع ياخ كل شيء بي حقو وصل الكيس موقف حلتنا بديك حقك.
الراجل بعد البوكس اتملي فل وركب بي الناصية وبقي قايم حتي استلم الكيس وختاهو تحت كرعيهو وبدأت رحلت العودة الي القرية .
بمجرد ما طلعو من المدينة ظهر ليهم بوكس تاني جاري وراهم.... الراجل الفار نقذ في عبو الله استر ما اكون مطارد من ناس الانضابط أو المباحث ولقد صدق حسه بان البوكس الاخر كان يطاردهم حتي سمعو صوت صياح وكواريك:
يازول اقيف .... يا زول اقيف.... يازول اقيف .... يا زول اقيف.
صاحبنا توكل علي الله وشال الكيس وجدعو في الترعه !!!! وتنفس الصداء ...بالله عايزين اقبضوني بي كمية كمان فيها ترويج خمور تلقوها عند الغافل.
ثم توقف البوكس وترجل من البوكس الاخر رجل وتوجه الي السائق وبما انه يركب بالزاوية قرب السائق سمع الحديث الذي دار. اسمع يا اخونا الحاجة المعانا فاتا بوكس الحلة القريبة من حلتكم اكسب فينا خير وصلا معاك قول لينا الحساب كم.
قفز من زاوية البوكس الي الارض ثم وجه كلامه الي الرجل الذي يترجي في توصيل الحاجة.
يا حولااااااااااااااااااااااااااااااااا بالله انتو جريكم ده كلو عشان تحصلو الحاجة البوكس الله اقطعكم يا وس خين يا ك لاب يا اولاد أم زقده ((بعض الاساءات حزفت من قبل الرقابة بالمنبر)).
وتوشك وقع في الترعة اقابض في الاكياس المتطايرة ويبحث في كيس العرقي اخيرا تحصل علي الكيس وفاز بان اقام ليلية حمرا بالقرية دون هواجس .... ضرب الخلا مع الضيوف.
عندما عاد للعمل تحدث مع العامل عن هواجسه التي تصور له بانه مراقب افتاهو العامل بان كل هذا تخيلات. اسمع يا فرده انت قايل روحك براك بتضرب البتاع ده خوفه منك ساكت خليهم اول شيء اقبضو ستات العرقي البعملوهو بعدين اجوك انت يا فرده والله انت دكوسه اليوم داك تلقي واحد ملجناهو المريسه راقد في الواطه تقول الزول بتاع مباحث ليه اصلو انت قايل روحك ياسر عرمان خلي الوهمات يا فرده.
اطمأن لحديث هذا العامل الموضوعي عن الوهمات والهلوسة وبما ان حوجته لا تتعدي نص قزازة سعي ليهو قزازة ببسي ليستعين بها في شراء العرقي كما أن القزازة يمكن ان تدخل في الجيب بدون شبهات وبما أن عرقي المدينة كارب وقوي افضل له من حق القرية.
دقش ستات العرقي بدون خوف بعد ساعات العمل ملي القزازة وختاها في جيبو طلع من البيت اتلفت يمين شمال كشف الشارع وانطلق أول ما لفه للشارع العام ظهرو ليهو ناس مباحث حبرتجيه البقلعو منك العرقي بتاعك وتديهم حق العشا حتي يخلو سبيلك والمساومة كانت اشيلو العرقي ومبلغ من المال اختلفو علي المبلغ قالو شوية:
الراجل: طيب يا جماعه بنتفق علي القروش امسكو القزازة
المباحث: بالله... عشان تقوم جاري وتخليها لينا خلي قزازتك معاك لما نتفق تدينا كم
الراجل : والله يا جماعة غير حق البوكس الفي جيب ما عندي حاجة.
المباحث: يازول احنا بنشحدك اتصرف انشاءالله تمشي السوق تدين لينا ولا قسما بالله الليلة تبيت هناك.
الراجل: ياجماعه الفضائح مافي ليها لزوم استروني شيلو العرقي وحق البوكس.
المباحث: يا الخو مافي ليك طريقه لو ما عايز تتصرف خلينا نشوف شغلنا ما ضيع لينا زمنا في كلام فارغ راجينا اكل عيش.
اثناء المحاججه والملاوة في هاك القزازة لا ما بشيلا شيلا ما بشيلا لقي روحو قريب من شارع الظلط طاااااااااااااااااااااااخ ضرب بيها الظلط ((يلا يا اولاد الهرمة المعروضات وراحت تاني دايرين شنو!!!!)).
|
|
 
|
|
|
|
|
| العنوان |
الكاتب |
Date |
| زول العرقي المهجس | عباس الدسيس | 02-12-13, 12:08 PM |
| Re: زول العرقي المهجس | سليمان القرشي | 02-12-13, 12:16 PM |
| Re: زول العرقي المهجس | علي محمد الفكي | 02-12-13, 12:42 PM |
| Re: زول العرقي المهجس | امجد الجميعابى | 02-12-13, 12:57 PM |
| Re: زول العرقي المهجس | حيدر حسن ميرغني | 02-12-13, 01:18 PM |
| Re: زول العرقي المهجس | عمر السلمة | 02-12-13, 01:35 PM |
| Re: زول العرقي المهجس | عباس الدسيس | 02-12-13, 02:56 PM |
| Re: زول العرقي المهجس | عباس الدسيس | 02-13-13, 02:49 PM |
| Re: زول العرقي المهجس | محمد عوض السيد | 02-12-13, 02:09 PM |
| Re: زول العرقي المهجس | علي محمد الفكي | 02-12-13, 02:43 PM |
| Re: زول العرقي المهجس | عباس الدسيس | 02-12-13, 03:18 PM |
| Re: زول العرقي المهجس | عبد الله فقير | 02-12-13, 04:12 PM |
| Re: زول العرقي المهجس | Salah Habib | 02-12-13, 04:43 PM |
| Re: زول العرقي المهجس | عباس الدسيس | 02-13-13, 06:22 AM |
| Re: زول العرقي المهجس | عباس الدسيس | 02-13-13, 06:37 AM |
| Re: زول العرقي المهجس | Emad Eldeen Ali | 02-13-13, 08:15 AM |
| Re: زول العرقي المهجس | عباس الدسيس | 02-13-13, 11:35 AM |
| Re: زول العرقي المهجس | عطا المنان احمد | 02-14-13, 07:41 PM |
| Re: زول العرقي المهجس | عباس الدسيس | 02-16-13, 02:22 PM |
 Re: زول العرقي المهجس | عبدالله ود البوش | 02-16-13, 02:56 PM |
| Re: زول العرقي المهجس | عبدالله ود البوش | 02-16-13, 03:04 PM |
| Re: زول العرقي المهجس | عباس الدسيس | 02-17-13, 10:20 AM |
| Re: زول العرقي المهجس | عباس الدسيس | 02-17-13, 10:28 AM |
| Re: زول العرقي المهجس | عباس الدسيس | 02-17-13, 10:29 AM |
| Re: زول العرقي المهجس | سليمان القرشي | 02-17-13, 10:39 AM |
| Re: زول العرقي المهجس | عبدالله ود البوش | 02-17-13, 10:46 AM |
| Re: زول العرقي المهجس | عباس الدسيس | 02-17-13, 11:17 AM |
| Re: زول العرقي المهجس | عباس الدسيس | 02-17-13, 11:33 AM |
| Re: زول العرقي المهجس | عباس الدسيس | 02-28-13, 06:39 PM |
| Re: زول العرقي المهجس | عباس الدسيس | 02-28-13, 09:08 PM |
| Re: زول العرقي المهجس | ALZOLZATOO | 02-28-13, 10:50 PM |
| Re: زول العرقي المهجس | عباس الدسيس | 03-02-13, 12:21 PM |
|
| |
عباس الدسيس
فيس بوك
تويتر
انستقرام
يوتيوب
بنتيريست