وأنا مستغرب وأقول ياربى السبب شنو ؟!!!

Quote: كمال سلامات وكيف حالك الناس ديل ما كعبين والله صحى زى ما بيقول ود البشارى انا فى حالة نقاش مستمر مع بعض هؤلا ء الشباب هم كويسين وما خدين موقف على المستوى الفكرى ولكن بالنسبة للخطوة العملية عندهم تشويش فى البوصلة والسبب نحنا القدامن ديل ... ظلمناهم وما قدمنا ليهم نموزج عملى فى المقاومة لديه كارزما ويمكن ان يكون قدوة تحتذى ... كلنا استسلمنا من اول محطة ومرقنا بيجلدنا من الجحيم . اقول ليك حاجة تقدر تقول لى وين جيفار ا السودان من جيلنا تقدر تقول لى وين نكروما السودان من جيلنا تقدر تقولى وين اسياسى السودان من جيلنا دا طبعا اذا استبعدنا ياسر عرمان اللذى كان يمكن ان يكون كل ما ذكر اعلاه لولا بعض التشويه اللذى حدث فى تجربته وخاصة بعد وفاة د قرنق وده ديالوق ممكن نفتحه فى وكت تانى ونجر طرفه سوى لو داير على العموم ي######## نلقى باللوم على الجميع نحن وهم وليس هم فقط بعدين ياخ الناس ديل ما تعصر عليهم شديد نحن برضو بنحتاجهم ليقدام مع تحياتى