ماركس الاسفيري

Quote: المشكلة هنا بالضبط (السندات) ما بتدخل في (رأس المال) كلو كلو .. وهي وسيلة اقتراض ساي نفترض انو انا عملت لي تشاشة في ي ي مطعم الباشا دا .. وجيتك (استلفت) منك 50 دولار لانو راسمالي الـ100 ما بكفي اشتري لي كرتونة سجائر .. وانت كصاحب مال (فائض) (اقرأ برجوازي) ما ح تديني بلاش (رغم اننا اصحاب!) فرضت علي 10% كفائدة .. قمت انا كتبت ليك ورقة (I O U ) .. دي كمبيالة .. وكان انا اصدرت وريقة من عندي وكتبت فيها التزام بدفى 10% للبديني 50 دولار براي .. دا السند وسع الشغلة دي لاكتر من (الافراد) للشركات المساهمة .. وحتى الحكومة اتسلف (عادي الحكومة بتصدر سندات الخزانة عشان تتدين من المواطنين .. وهي الاقل تكلفة على الاطلاق .. مساوية لسعر الفائدة الرسمي) هل دا بضيف لراسمالي/شركة المساهمة .. ابداً يظل مجرد (دين) .. اعتقد انو اللبس جا من ترجمة (securities/security ) فترجمتها المعتمدة (اوراق مالية) ودي بتلم السهم مع السند، وفي صفة تانية مشتركة فيهن الجوز (قابلية للتداول). متذكر وريقيتي الكتبتها ليك ديك، اها في بلاد الكفار ديك ممكن تبيعا عاااادي .. ويبقى الطالبني الخمسين دولار زول تاني .. وهكذا دواليبك .. لكن ما ببقى شريكي في تشاشتي .. فهي لي وحدي لا شريك لي .. سبحاني من برجوازي!