|
Re: بس ياربى ست البنات دى لى اسى بتكون شربت ليها كم كباية ليمون ! (Re: العوض المسلمي)
|
وخرجنا من الفصل بعد ان قال الاستاذ نواصل درسنا غداً ........ وفى الطريق الى المنزل كنا نتسأل انا وصديقى اب دومة عن (عانة الجن دى ومكانها وين) وكان يردد اب دومة (اسى استاذ الجن دا لو وضح لينا اكتر ، كان الله داير يحاسبو!!) ........... وذهب كل واحد منا الى داره وهو مشغول بامر العانة ......... وفى البيت وجدتنى (حبوبتى ام سِروال وانا سرحان) ثم سألتنى (سرحان فى شنو ياولد؟؟) فقلت لها (حبوبة انتِ شعر العانة دا بيقوم وين؟؟) ثم نظرت لى شذراً (وقالت لى ..... خلى مسخرة وقوم جيب لى الدقيق من الطاحونة ..... العانة التخمك) ..... حينها بداءت تتكون لى فكرة سيئة عن شعر العانة وانها كلمة (كعبه تب) ....... وبعد ان عدت من الطاحونة قلت فى نفسى (القاتل الله والحايى الله ..... انا ح أسال ناس البيت واليحصل يحصل) وسألتهم جميعاً فردت على خالتى (وقالت لى خلاص بدو يقروكم فى قلة الادب) ........ وبعدها لم انتظر اى أجابة لان الامر صارخطير جداً ووليت هارباً......... ظللت فقط اردد فى نفسى (إن شاء الله اب دومة الشِفت دا يكون جاب خبر عانة السجم والرماد دى) ........ وفى الصباح قابلت اب دومة وسألته (اها يا شِفت نقشتها وين؟؟) .....(قال لى لا والله يامان ، سألت الجُلكينة ونهرتنى......... خلتنى الليل كل اتقلب واهبش فى روحى مِتل المجنون واسمع اسماء جسمى كلهن لروحى ... دى كراعى ودى يدى ودى بطنى ودى هنايتى ودا راسى ودى اضانى وووووو .... إلا عانة السجم والرماد دى مالقيتها)......
|
|
|
|
|
|
|
العنوان |
الكاتب |
Date |
بس ياربى ست البنات دى لى اسى بتكون شربت ليها كم كباية ليمون ! | العوض المسلمي | 01-22-13, 12:56 PM |
Re: بس ياربى ست البنات دى لى اسى بتكون شربت ليها كم كباية ليمون ! | العوض المسلمي | 01-22-13, 12:59 PM |
Re: بس ياربى ست البنات دى لى اسى بتكون شربت ليها كم كباية ليمون ! | العوض المسلمي | 01-22-13, 01:01 PM |
Re: بس ياربى ست البنات دى لى اسى بتكون شربت ليها كم كباية ليمون ! | العوض المسلمي | 01-22-13, 01:04 PM |
Re: بس ياربى ست البنات دى لى اسى بتكون شربت ليها كم كباية ليمون ! | العوض المسلمي | 01-22-13, 01:06 PM |
Re: بس ياربى ست البنات دى لى اسى بتكون شربت ليها كم كباية ليمون ! | العوض المسلمي | 01-22-13, 01:08 PM |
Re: بس ياربى ست البنات دى لى اسى بتكون شربت ليها كم كباية ليمون ! | العوض المسلمي | 01-22-13, 01:09 PM |
Re: بس ياربى ست البنات دى لى اسى بتكون شربت ليها كم كباية ليمون ! | العوض المسلمي | 01-22-13, 01:10 PM |
Re: بس ياربى ست البنات دى لى اسى بتكون شربت ليها كم كباية ليمون ! | طاهر قرشي | 01-22-13, 01:27 PM |
Re: بس ياربى ست البنات دى لى اسى بتكون شربت ليها كم كباية ليمون ! | العوض المسلمي | 01-22-13, 03:11 PM |
|
|
|